Analizado, a través de 1.000 chamadas, o servizo telefónico de información municipal en 18 cidades: Un de cada tres 010 ofrece unha información insuficiente

As queixas son escoitadas e táboas comparativas

  O servizo 010 é, amais dun medio de información, unha canle de queixas cidadás. Falta de limpeza en vías ou mobiliario urbano, farois que seguen en funcionamento durante o día, coches mal aparcados, xardíns descoidados ou ruído nocturno son algunhas das reclamacións máis habituais que chegan a este servizo.

Os técnicos de CONSUMER EROSKI utilizáronas para comprobaren a súa xestión por parte dos teleoperadores. Na metade das chamadas con estes supostos, o persoal do servizo de atención municipal tomaba nota da queixa para lla remitir ao departamento correspondente, mentres que na outra metade se indicaba que o mellor sería que o propio cidadán se puxese en contacto coa policía ou co organismo pertinente para cada reclamación. Aínda que a repartición destas dúas opcións é similar nas 18 cidades do estudo, foi nos servizos de Valladolid, Vitoria, Logroño e San Sebastián onde máis esforzo se despregou para deixar constancia da denuncia indicada polo cidadán. Cando non tomaban nota, si explicaban a onde había que acudir. En todos os casos, o teleoperador preguntaba que acontecía, dende cando ou en que rúa sucedía.

Os servizos de Burgos e Oviedo non reciben queixas nese número de teléfono, mentres que no de Córdoba só se contaba cunha caixa de voz (activa as mañás dos sábados e domingos, cando se fixo unha de probas) para recoller esa denuncia que, con posterioridade, se remitiría ao persoal municipal. No tocante ao trato dos profesionais dos servizos 010 ante as queixas cidadás, tamén se caracterizou pola corrección e a amabilidade. As salvidades rexistráronse en boa parte das reclamacións efectuadas en Bilbao e Oviedo, nas que a atención deixaba moito que desexar (situación sufrida tamén nalgunhas das consultas realizadas en Murcia, Madrid, Barcelona, Pamplona e San Sebastián).

TÁBOA COMPARATIVA

Información sobre o funcionamento do teléfono 010, segundo datos achegados por cada Concello

Cidade	Horario días laborables	Horario fins de semana	Horario días festivos
A Coruña	de 8 a 20 horas	sábados de 9 a 14 horas	Non operativo
Barcelona	de 8 a 24 horas	de 8 a 24 horas	de 8 a 24 horas
Bilbao	de 8 a 20 horas	de 8 a 20 horas	de 8 a 20 horas
Burgos	de 8 a 20 horas	sábados de 10 a 14 horas	Non operativo
Córdoba	de 8:30 a 18:00 horas	Non operativo (con caixa de voz de 10 a 14 horas)	Non operativo (con caixa de voz de 10 a 14 horas)
Granada	de 8:30 a 20:30 horas (con caixa de voz 20.30 a 8.30 horas)	de 8:30 a 20:30 horas (con caixa de voz 20.30 a 8.30 horas)	de 8:30 a 20:30 horas (con caixa de voz 20.30 a 8.30 horas)
Logroño	de 8 a 20 horas	sábados de 10 a 14 horas	Non operativo
Madrid	24 horas ao día	24 horas ao día	24 horas ao día
Málaga	24 horas ao día	24 horas ao día	24 horas ao día
Murcia	de 9 a 18 horas (ata as 14 os venres)	Non operativo (con caixa de voz 24 horas ao día)	Non operativo (con caixa de voz 24 horas ao día)
Oviedo	de 8 a 20 horas	Non operativo	Non operativo
Pamplona	de 8 a 19 horas	sábados de 9:30 a 13:30 horas	Non operativo
San Sebastián	de 9 a 14 e de 16 a 18 horas	Non operativo	Non operativo
Sevilla	de 8 a 22 horas	de 8 a 22 horas	de 8 a 22 horas
Valencia	de 8 a 21 horas	sábados de 9 a 20 horas	Non operativo
Valladolid	de 8 a 22 horas	sábados de 10 a 14 horas	Non operativo
Vitoria	de 8 a 20 horas	sábados de 8 a 14 horas	Non operativo
Zaragoza	de 8 a 20 horas	sábados e domingos de 9 a 21 horas	de 9 a 21 horas

Cidade	Idiomas de atención ao público (á parte do castelán)	Número de teleoperadores	Chamadas recibidas no 2007	Número de habitantes (xaneiro 2007)*
A Coruña	Galego e inglés	10	568.228	244.388
Barcelona	Catalán, inglés e francés	100 (30, os días festivos)	3.000.000	1.595.110
Bilbao	Éuscaro	De 3 a 6 (3, los días festivos)	342.383	353.168
Burgos	Só castelán	4 (1, os sábados)	27.620	174.075
Córdoba	Só castelán	3	Datos non dispoñibles	323.600
Granada	Inglés, francés e árabe	8 (2, os días festivos)	260.000	236.207
Logroño	Inglés, francés, árabe, alemán e italiano	12	123.900	145.866
Madrid	Inglés y francés	241	2.695.589	3.132.463
Málaga	Só castelán	5	173.306	561.250
Murcia	Inglés	8	52.059	422.861
Oviedo	Só castelán	4	150.000	216.607
Pamplona	Éuscaro, inglés e francés	15 (3, os sábados)	195.000	194.894
San Sebastián	Éuscaro	6 pola mañá e 2 pola tarde	63.000	183.090
Sevilla	Inglés e francés	11 (5, os días festivos)	600.000	699.145
Valencia	Valenciano	11 (2, os sábados)	525.170	797.654
Valladolid	Inglés	5	227.570	316.564
Vitoria	Éuscaro e inglés	6 (2, os sábados)	326.790	229.484
Zaragoza	Só castelán	12 (4, os días festivos)	410.815	654.390

*Os datos de poboación pertencen ao Instituto Nacional de Estatística (INE) e están datados en xaneiro do 2007. .

Valoración final del teléfono 010 de cada Ayuntamiento y calificación media (según CONSUMER EROSKI)

Cidade	Atención 1	Información 2	Características do servizo 010 3	Media
A Coruña	Moi ben	Ben	Moi ben	Ben
Barcelona	Ben	Moi ben	Moi ben	Ben
Bilbao	Ben	Ben	Moi ben	Ben
Burgos	Excelente	Moi ben	Moi ben	Moi ben
Córdoba	Moi ben	Regular	Mal	Regular
Granada	Moi ben	Aceptable	Moi ben	Aceptable
Logroño	Moi ben	Ben	Moi ben	Ben
Madrid	Ben	Aceptable	Moi ben	Aceptable
Málaga	Ben	Aceptable	Moi ben	Aceptable
Murcia	Moi ben	Aceptable	Regular	Aceptable
Oviedo	Aceptable	Mal	Aceptable	Regular
Pamplona	Moi ben	Aceptable	Ben	Aceptable
San Sebastián	Moi ben	Ben	Regular	Aceptable
Sevilla	Excelente	Aceptable	Moi ben	Aceptable
Valencia	Moi ben	Aceptable	Moi ben	Aceptable
Valladolid	Moi ben	Moi ben	Moi ben	Moi ben
Vitoria	Moi ben	Ben	Moi ben	Ben
Zaragoza	Moi ben	Ben	Moi ben	Ben

1. Atención: Analizouse por unha banda o trato recibido polos teleoperadores durante as chamadas realizadas a cada concello: tívose en conta o tempo de espera antes de que collesen o teléfono, as veces que houbo que marcar para contactar co 010, o trato do telefonista e se a súa linguaxe era clara e comprensible.

2. Información: Valorouse a cantidade de información que se ofrecía en función do suposto polo que se chamaba (trámites, queixas ou tan só recompilar datos sobre un tema).

3. Operatividade do servizo 010: Comprobouse o funcionamento do teléfono 010 segundo a información solicitada aos concellos das cidades incluídas no informe. Tomáronse en consideración o horario, os días de funcionamento e mais o idioma en que se ofrecía a información, entre outros aspectos.

Relacións deste contido