Viaxes. Responsabilidade de compañías aéreas

Perden un voo internacional polo atraso do voo nacional, pero a compañía non quere afrontar os custos morais

 Uns pasaxeiros demandaron unha compañía aérea á que lle solicitaron 815 euros polo atraso do seu voo e prexuízos sufridos. Contrataran o voo Málaga-Madrid-Santiago de Chile, pero, ao se atrasar o voo Málaga-Madrid perderon o enlace a Santiago de Chile e un día de vacacións. A compañía facilitoulles aos pasaxeiros un novo voo ao día seguinte, pero durante as horas de espera ninguén os axudou e víronse obrigados a buscar o seu propio aloxamento nun hotel e a pagar os gastos de aloxamento, comida e transporte, que tampouco lles aboaron. No xuízo a compañía aérea aceptou pagar 215 euros como importe destes gastos, pero non os 600 euros reclamados por danos morais e pola perda dun día de vacacións. Non obstante, en sentenza do Xulgado Mercantil de Málaga, do 27 de abril do 2007, recórdase que o atraso se debeu a un reaxuste da compañía no seu propio interese e non por razóns de forza maior, polo que sancionou o dereito dos afectados de cobrar unha indemnización por dano moral. E para calcular o seu alcance tomou como referencia o prezo do billete e o tempo perdido dun día, o que deu como resultado unha indemnización máxima de cen euros por pasaxeiro.

Relacións deste contido