Responsabilidade civil por danos causados en prestación de servizos

O rolo dun túnel de lavado danou o parachoques traseiro dun coche

 Un condutor demandou a unha estación de servizo para resarcirse dos danos que un dos rolos do túnel de lavado de coches produciu no parachoques traseiro do seu vehículo. Gañou o xuízo en primeira instancia e a demandada foi condenada a pagar 833 euros, aínda que condicionou o seu abono á previa presentación por cliente da factura acreditativa da reparación. A demandada apelou, xa que, ao seu parecer, o vehículo se introduciu no túnel co parachoques traseiro moi folgado, razón pola que sufriu os danos. Pero o cliente volveu gañar o litixio en segunda instancia. A Audiencia de Castellón, en sentenza do 14 de decembro do 2006, aplicou o Real Decreto Lexislativo 1/2007, do 16 de novembro, polo que se establece o dereito de indemnización ao consumidor polos danos que sufra na utilización dos servizos, salvo que se demostre a súa responsabilidade manifesta. A xuízo da Audiencia, non se acreditou esa culpa por parte do consumidor, quen quedou exento de presentar a factura da reparación, entendéndose que non debía adiantar os custos da reparación cos seus propios cartos.

Relacións deste contido