Arrendamento antigo de vivenda. Obras de reparación

O propietario négase a facer obras porque di que supoñen un 50% do valor total da casa

 Logo de 40 anos de vixencia dun arrendamento de vivenda, o inquilino demandoulle ao propietario-arrendador que realizase unha serie de obras básicas na vivenda co fin de acadar unhas mínimas condicións de habitabilidade, tales como a instalación dunha cisterna para servizo do inodoro, cambio do vertedeiro e nivelación do chan da cociña. O arrendador negouse tras asegurar que o arranxo necesario para manter a habitabilidade da vivenda ascendería a un custo superior ao 50% do seu valor. Así, de conformidade á Lei de arrendamentos urbanos de 1964, atopábase en situación de ruína económica e facultábase, polo tanto, ao arrendador para a resolución do contrato. E para probalo solicitou o informe do perito xudicial, que valorou a vivenda en 78.641 euros. Agora ben, as obras necesarias para manter en bo estado de conservación a vivenda, máis as que solicitaba a propia inquilina, ascendían a 20.452 euros, importe moi inferior ao 50% do valor do edificio. Por iso, a Audiencia Provincial de Asturias, en sentenza do dous de maio do 2007, desestimou as pretensións do propietario de resolver o contrato.

Relacións deste contido