Garantía. Atraso en reparar o vehículo

Reclámalle unha indemnización ao fabricante do coche porque tarda máis de tres meses en subministrarlle unha peza

 Un consumidor reclamoulle a un taller de automóbiles e á empresa fabricante do seu vehículo unha indemnización de 900 euros polas perdas e danos causados polo atraso de tres meses e medio na reparación do seu vehículo, nese momento en período de garantía. Na reclamación previa efectuada ante a OMIC, o afectado declarou que dispuña dun só coche e que, como necesitaba contar cun vehículo para desprazarse, se vira obrigado a contratar un vehículo de alugueiro. No xuízo quedou acreditado que a reparación do vehículo se demorou durante máis de tres meses polo atraso do fabricante na subministración dunha peza. Por iso, a Audiencia Provincial de Madrid, en sentenza do 27 de abril do 2007, condenou ao fabricante responsable do atraso a pagar unha indemnización de 479 euros polo alugueiro de vehículos e outros 420 euros polas molestias -utilización prolongada de autobús e de vehículos prestados- e perdas de tempo en acudir ao taller, reclamacións e recollida e devolución do vehículo alugado, de entidade abonda como para ser consideradas danos morais.

Relacións deste contido