Viaxes combinadas. Condena en custas

Os noivos teñen que pagar o cambio de hotel porque está en obras

  Unha parella acabada de casar demandou ás axencias que lle venderon a viaxe de lúa de mel por incumprimento parcial das condicións e defectuosa execución da súa viaxe a Thailandia e a Bali. A razón: o hotel non reunía as condicións contratadas e ademais atopábase en obras, o que determinou o cambio a outro hotel de superior categoría mediante o pagamento da diferenza de prezo entre un e outro. Isto supúxolle ao matrimonio unha redución do gasto previsto para outros proxectos, a asunción do custo do teléfono e fax, o trato desafortunado do correspondente da axencia de viaxes por xunto, do persoal do novo hotel e da policía de Bali, e frustración. Por iso, solicitaron unha indemnización por danos materiais (1.710 euros) e por danos morais (5.000 euros). En primeira instancia, admitiuse de xeito parcial a súa demanda e as axencias de viaxes foron condenadas ao pagamento de 1.710 euros por danos materiais e de 1.186 euros a cada un por danos morais. Pero as axencias de viaxe condenadas apelaron e alegaron que como a demanda era parcial, non correspondía que se lles impuxesen as custas. E a Audiencia de Madrid, en sentenza do 6 de xuño do 2007, deulles a razón e deixou sen efecto a condena en custas imposta.

Relacións deste contido