Compravenda de vivenda e faiado. Incumprimento parcial de contrato

O faiado da casa era máis pequeno do reflectido no contrato

  Varios compradores adquiriron en construción unha vivenda con faiado. No momento de asinar as escrituras, os faiados continuaban en construción. Seis meses despois, rematadas xa as obras, comprobaron que a súa superficie útil era inferior á que recollían as escrituras. Por este motivo demandaron ao promotor e solicitaron unha indemnización por incumprimento parcial do contrato de compravenda. E gañaron o xuízo. A Audiencia Provincial de Biscaia, en sentenza do 26 de febreiro do 2008, condenou á empresa vendedora a indemnizar os clientes con 3.000 euros máis os xuros e as custas. A Audiencia afirmou que a proba pericial acreditou tanto a superficie útil do faiado e a diferenza coa escriturada como a existencia dunha columna central que reducía de xeito notable as posibilidades de manobrar. Acreditado no xuízo o prezo do metro cadrado de faiado na zona, condenou á vendedora a aboar a indemnización solicitada.

Relacións deste contido