Axentes da propiedade inmobiliaria. Cláusulas abusivas

Asinou un contrato de exclusividade pola venda da súa vivenda e non o cumpriu

  No 2004 unha persoa asinou un contrato de mediación ou corretaxe cunha consultora inmobiliaria que tiña por obxecto a venda dunha vivenda, a praza de garaxe e mais o rocho. Pactouse o carácter de exclusividade na venda por un prazo de duración de sete meses polo que o propietario se comprometía a non vender a casa pola súa conta, de maneira persoal e sen a intervención do axente durante ese período. Tamén se incluía no contrato unha cláusula penal para o propietario ante un caso de incumprimento polo 50% dos honorarios pactados. Non obstante, o propietario resolveu unilateralmente a relación xurídica contractual antes de transcorrer o prazo pactado dos sete meses. O axente inmobiliario mediador demandou o propietario reclamando o importe de 6.274 euros da cláusula penal, e condenouse o propietario a pagala. A sentenza da Audiencia Provincial de Madrid, do 5 de xuño do 2007, indicou que no negocio xurídico de mediación, a inmobiliaria é unha profesional e o propietario, como persoa física que actúa cun propósito alleo á súa actividade profesional, é un consumidor. E entendeu que nesta práctica a cláusula penal para o consumidor non é abusiva.

Relacións deste contido