Prazos das aseguradoras para aboar indemnizacións e xuros de mora

Incrústaselle unha estela no ollo mentres reparaban o vehículo nun taller

 A un cliente que se atopaba no taller de reparación de vehículos incrustóuselle no ollo unha estela de metal cando un empregado bateu unha peza da roda do vehículo que estaba a arranxar. A compañía de seguros negouse a pagar, alegando que a culpa do sinistro era do propio prexudicado, polo que este demandou ao taller e á compañía de seguros. Gañou o preito en segunda instancia, en sentenza do Tribunal Supremo do 4 de xuño do 2007, que condenou a indemnizar ao afectado con 47.888 euros máis unha recarga de xuros por demora no pagamento dun 20% anual dende a data do sinistro. Segundo a Lei do contrato do seguro, o asegurador incorre en demora cando non cumpre a súa prestación no prazo de tres meses dende o sinistro ou non paga o importe mínimo do que poida deber dentro dos corenta días a partir da recepción da declaración do sinistro. Este xuro é do 20% cando transcorran máis de dous anos dende que se produciu o dano.

Relacións deste contido