Transporte aéreo, atraso e dano moral

A atención da compañía aérea ante o atraso do voo é deficiente

 Uns pasaxeiros padeceron un importante atraso no seu voo de regreso a España dende La Habana. A volta, prevista para o día 28 de agosto, atrasouse ata o día seguinte e trasladaron os pasaxeiros a un hotel de La Habana. Só se lles permitiu realizar unha chamada de tres minutos de duración e subministróuselles unha soa bebida durante o día de permanencia no hotel. O 29 de agosto comunicáronlles que tampouco poderían saír por atraso acumulado e o 30 de agosto o voo tiña previsto o seu embarque ás 8.30 horas pero novamente se atrasou ata as 21.00 horas. Demandaron á compañía aérea debido ao atraso, angustia e desespero pola necesaria incorporación ao posto de traballo e de obter determinados fármacos. Aínda que a compañía alegou que o atraso era imputable ao furacán Katrina e, xa que logo, a forza maior, os pasaxeiros gañaron o preito e indemnizaron a cada un dos pasaxeiros con 1.200 euros. O Xulgado Mercantil de Málaga afirmou, en sentenza do 20 de abril de 2007, que o dano moral se produciu por incumprimento probado das atencións mínimas que as compañías aéreas lles deben ofrecer aos pasaxeiros en caso de grande atraso, de acordo coa normativa europea e internacional.

Relacións deste contido