Responsabilidade extracontractual. Ruídos e contaminación estética

Depreciación do valor da vivenda pola proximidade dunha empresa e o ferrocarril

 Varias persoas, propietarias dunhas vivendas e un terreo situado nas proximidades dun viaduto, demandaron a unha empresa siderúrxica á que o viaduto servía para o transporte de materiais por ferrocarril entre dúas das súas factorías. Alegando responsabilidade extracontractual, reclamaron unha indemnización pola depreciación do valor das súas propiedades debido á construción do viaduto e polo ruído e o dano moral ocasionado polas obras. O Tribunal Supremo, en sentenza do 31 de maio do 2007, considerou que si había responsabilidade por parte da empresa. Alegou que o nivel de ruído alcanzado pola circulación diúrna e nocturna de trens e o risco de desprendemento de partículas dos materiais transportados afectaban ao valor dos terreos ou ás expectativas de alugalas. Por iso obrigou á empresa a pagar unha indemnización de 12.202 euros por depreciación e 9.015 euros por dano moral.

Relacións deste contido