Crédito ao consumo. Xuros abusivos

Deixa de pagar un crédito e o banco esixe o seu pagamento e o dos xuros de mora

  Unha persoa contratou cun banco un préstamo ao consumo por 9.015,18 euros, a pagar en 60 cotas mensuais de 176,39 euros a un TAE do 7,360%. Tres anos despois o cliente deixou de pagar as cotas, polo que o banco pechou a súa conta cun capital pendente de reembolsar de 4.419,70 euros. O banco demandou o cliente, que recoñeceu o non pagamento e a débeda. Pero o xuíz admitiu parcialmente a demanda e condenouno a pagar menos do reclamado por considerar que os xuros de mora aplicados polo banco eran abusivos. A Audiencia condenou ao titular do préstamo, en sentenza do 26 de abril do 2006, ao pagamento da cantidade restante á data de peche da conta, máis os xuros producidos dende esa data e ata o seu completo pagamento. Pero co límite que prevé a Lei 7/95, do 23 de marzo, de crédito ao consumo, cun xuro de mora non superior a dúas veces e media o xuro legal do diñeiro e impóndolle ao consumidor o pagamento dunha terceira parte das custas, e non a súa totalidade.

Relacións deste contido