Contratos e orzamentos

Contratou o acondicionamento, mobiliario e decoración do seu piso pola metade do que lle pedían ao rematar o traballo

  Unha persoa contratou cuns grandes almacéns o acondicionamento, mobiliario e decoración do seu piso por importe de 27.820 euros, pero finalmente subscribiu un contrato por 48.080 euros. Pagou no acto 24.040 euros e quedou aprazado o aboamento do resto. Posteriormente, foi elaborado outro orzamento por importe total de 71.871 euros, que non foi asinado polo cliente, malia o cal o establecemento comercial continuou cos seus traballos redactando un novo orzamento, tampouco subscrito polo consumidor, no que a suma definitiva ascendía a 91.274 euros. O consumidor satisfixo en total 48.080 euros, pero o establecemento reclamáballe outros 42.575 euros e, como o consumidor se negaba a pagar, demandouno en xuízo. Para decidir se estaba ou non obrigado o cliente a pagar a cantidade reclamada, o Supremo parte de que o importe do contrato subscrito polo cliente fora integramente aboado, de xeito que recaía sobre o establecemento probar que o interesado aceptara os dous orzamentos posteriores nos que baseaba a súa reclamación. Pero esta proba non se achegou, xa que os orzamentos non aparecían confirmados coa sinatura do cliente. Así, o Tribunal Supremo, en sentenza do 24 de xullo do 2006, rexeitou a demanda e o consumidor non se viu obrigado a pagar a diferenza reclamada no xuízo.

Relacións deste contido