Transporte aéreo. Equipaxe

Róubanlle a un viaxeiro as xoias e as chaves do coche dende a súa maleta facturada

  Un usuario demandou a unha compañía aérea pola subtracción de efectos valiosos, como xoias e as chaves do seu coche, dun bolso que facturou nun voo Madrid-Alacante. En primeira instancia, o Xulgado do mercantil admitiu a demanda, pero reduciu a indemnización dos máis de 2.300 euros solicitados a 856 euros, por aplicación das limitacións do Convenio de Montreal en caso de perda de equipaxe. O usuario apelou por considerar que non debía operar tal limitación, por estar referida á "perda" da equipaxe e non á subtracción de obxectos. A Audiencia de Alacante fallou en sentenza do 29 de setembro do 2006 a favor do usuario, condenando a compañía aérea a indemnizar co valor do subtraído, sen limitacións, máis 500 euros por dano moral. Para a Audiencia, o feito de subtraer do peto pechado dunha maleta facturada obxectos de valor é unha conduta plenamente dolosa que vai máis alá do dano material.

Relacións deste contido