Saltar o menú de navegación e ir ao contido

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Boletines
    •  | Baixa  | Máis opcións |
  • Portadas anteriores

EROSKI CONSUMER, el diario del consumidor

Buscador

logotipo de fundación

Canles de EROSKI CONSUMER


Estás na seguinte localización: Portada > Edición impresa > Novas Tecnologías

Λ

Outras informacións sobre Novas Tecnoloxías: Páxinas para donos de animais domésticos / Avatar / O vídeo do mes: Train Bombing in Europe

Navegar pola Rede

Páxinas para donos de animais domésticos

Os donos de mascotas estanse a incorporar a Internet con forza. O cariño cara ao seu animal de compañía lévaos a crear numerosos foros e redes sociais nas que expoñen fotografías e a máis variada información sobre a súa raza, alimentación, comportamento, etcétera... Hai tantas redes como especies de animais de compañía, e consolídanse grazas ás numerosas consultas sobre coidados, alimentación ou prevencións sanitarias que comparten os seus usuarios. O interese é tal que en Estados Unidos e nalgúns países europeos xa se crearon consultorios veterinarios online.

  •  Guía Práctica CONSUMER EROSKI Todo sobre a miña mascota: Unha guía completa e detallada para quen queira saber como educar a súa mascota (a guía toca case todas as modalidades), que facer con ela en vacacións, como alimentala, os coidados que necesita, preventivos e mais de hixiene e as peculiaridades de cada especie. Inclúe, ademais, un test que os usuarios poden facer para saber se realmente están preparados para se responsabilizaren dun animal de compañía.
  •  MyDogSpace: É o MySpace (rede social moi popular) dos cans, obviamente creada polos seus donos. Estes expoñen na páxina os vídeos, as fotos, as preferencias e o suposto blog das súas queridas mascotas. Predominan sobre todo as fotografías, ata o punto de parecer máis un Flickr (sistema de publicación de imaxes) ca un MySpace. Mostra o orgullo que senten os donos polos seus cans. O servizo é gratuíto e permite crear unha páxina dedicada á mascota con ferramentas moi sinxelas. Tamén ten un foro chamado "ladridos" onde os donos se relacionan. En inglés.
  •  Ophidia, o portal das Serpes: Ophidia é unha web sobre o mundo das serpes que explica como mantelas en catividade. Ten consellos e titoriais prácticos para montar un terrario, información sobre os aparatos necesarios para manter as condicións de temperatura e humidade, lugares onde conseguir comida para os ofidios e moita máis información útil aos amantes dos réptiles. Ophidia está englobada dentro do proxecto "Camaleóns", que pretende crear un grande portal informativo sobre o mundo dos réptiles en catividade.

O concepto do mes

 Avatar:
Os avatares representan na mitoloxía clásica hindú deuses que baixan á Terra para cumpriren misións concretas, como poren orde nunha disputa, ou repartiren bondade no mundo cando cómpre. Para acadaren o seu obxectivo, estas encarnacións teñen que pasar unha serie de probas e superar un bo número de vicisitudes. A partir da serie de xogos de rol "Ultima", a palabra adquiriu un novo sentido que se trasladaría aos videoxogos e posteriormente aos mundos virtuais como "The Sims" e "Second Life" e aos foros. Nestes xogos, avatar é o personaxe que o xogador utiliza ou adopta para xogar. O avatar non é libre no rol, senón que está suxeito a unha serie de códigos éticos coñecidos como "virtudes". Cando o usuario xoga, débese rexer forzosamente polos devanditos códigos. Nos videoxogos, sobre todo nos xogos multixogador online, onde o usuario está interconectado a través de Internet e pode ser recoñecido por outros, o avatar está condicionado pola caracterización que lle atribúe o usuario e por ter perfectamente definida dende un principio a súa misión. Pola contra, os avatares de "Second Life" non teñen que ter ningún tipo de código nin misión concreta.

O vídeo do mes

 Train Bombing in Europe: a "chuvia" de luces LED é unha das experiencias artísticas vagabundas máis interesantes dos últimos anos. A "performance" consiste en montar pequenos díodos luminosos do tamaño dun botón, xunto a unha pila de reloxo e un imán, de modo que ao lanzalos acesos se peguen a calquera superficie metálica. Armados con centos destes díodos, un grupo de artistas austríacos asaltaron un tranvía na cidade alpina de Linz e bombardeárono coas diminutas luces de cores ata convertelo nun vagón multicolor ante a sorpresa divertida do condutor do vehículo.


Outros servizos


Buscar en

Información de Copyright e aviso legal

Visita nuestro canal Eroski Consumer TV

En EROSKI CONSUMER tomámosnos moi en serio a privacidad dos teus datos, aviso legal. © Fundación EROSKI

Fundación EROSKI

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto