Responsabilidade das axencias de viaxes. Cambio de aloxamento

No último momento informaron do cambio de aloxamento a outro de peor calidade

  Unha familia con dous fillos pequenos contratou unha viaxe combinada a Ibiza, con voos e aloxamento nun apartahotel de catro estrelas. Non obstante, trasladáronos a un hotel de tres estrelas. Debido ás incomodidades sufridas, regresaron ao seu domicilio ao día seguinte, coa devolución por parte da axencia de viaxes do importe total do prezo aboado. Pero os clientes consideraron que a perda das vacacións debía de ser indemnizada con 2.084 euros. Acudiron a xuízo e gañárono. A Audiencia de Madrid analizou, en sentenza do 7 de novembro de 2006, o momento en que os usuarios tiveron coñecemento da modificación das condicións da viaxe contratada. E chegou á conclusión de que este se produciu no mesmo momento en que a familia chegou a Ibiza, xa que recibiu por vez primeira a documentación indicativa do cambio de aloxamento no aeroporto, sen aviso verbal de ningún tipo e mesturado cun amplo conxunto de impresos relativos ao transporte en avión, transporte ata o hotel e aloxamento, polo que a familia non foi consciente das modificacións ata a chegada ao destino.

Relacións deste contido