Examinadas 200 autoescolas de 18 cidades do noso país: O mesmo permiso de conducir pode custar cinco veces máis segundo a autoescola

Dotación de automóbiles y táboa comparativa

 As autoescolas contan cunha media de tres coches destinados ás clases prácticas. Os centros con menor dotación móbil localizáronse en Zaragoza (catro de cada dez só dispoñían dun único automóbil), aínda que nesta mesma capital unha autoescola indicou que contaba con 20 vehículos (unha das visitadas en San Sebastián afirmou que tiña 30 turismos). Con todo, en máis da metade das autoescolas o alumno non ten a posibilidade de elixir o coche no que realizará as clases. Non é o caso dos centros da Coruña, Córdoba (en todos se pode elixir o automóbil), Bilbao e Valladolid (en nove de cada dez).

25 clases de media, segundo as autoescolas

A media de clases prácticas á que adoita acudir un alumno cando non ten ningunha noción de conducir é de 25, segundo as autoescolas. No entanto, as diferenzas entre as 18 cidades son moi significativas (das 16 de media aconselladas en Logroño vaise ás 30 recomendadas en Madrid e Valencia). A pesar da importancia da información fornecida polos propios centros para que o alumno se decante por un centro ou por outro, no 14% das autoescolas non se ofreceu información escrita ningunha. As escolas de condución que menos coidan este aspecto son as situadas en Bilbao e Málaga (só ofreceron información unha de cada dez). Por outra banda, tres de cada catro autoescolas non tiñan as súas tarifas visibles ao público (ningunha das visitadas nos casos de Bilbao, Logroño, Madrid, San Sebastián, Sevilla, Valladolid e Vitoria), coa dificultade engadida que representa no proceso de información para que o usuario elixa con coñecemento de causa.

Centros con escasa accesibilidade

Se unha persoa con discapacidade quere aprender a conducir custaralle dar cunha autoescola axeitada. Só unha de cada dez das analizadas conta con automóbiles adaptados. A situación é particularmente negativa en Córdoba, Granada, Logroño, Málaga e Valencia, cidades nas que ningunha das autoescolas visitadas ofrecía clases a persoas discapacitadas. Ante esta realidade, non sorprende que case seis de cada dez autoescolas non dispoñan de entradas accesibles para persoas con mobilidade reducida, e que unicamente a metade estean adaptadas no seu interior.

TÁBOA COMPARATIVA

¿Canto custan as clases prácticas?

Cidade	Custo medio da clase práctica	% respecto da media	Custo medio por minuto de clase práctica (1)
A Coruña	12	58%	0,26
Alacant	26	90%	0,54
Barcelona	30	103%	0,61
Bilbao	40	138%	0,66
Córdoba	26	10%	0,58
Granada	25	14%	0,55
Logroño	33	114%	0,56
Madrid	27	93%	0,61
Málaga	27	93%	0,53
Murcia	28	97%	0,63
Oviedo	28	97%	0,62
Pamplona	37	127%	0,63
San Sebastián	39	134%	0,67
Sevilla	27	93%	0,58
Valencia	25	86%	0,55
Valladolid	26	90%	0,48
Vitoria	38	131%	0,65
Zaragoza	32	110%	0,67
Media	29	100%	0,58

(1). Custo medio por minuto de clase práctica: calculouse o custo medio que se cobra por cada minuto da clase práctica en cada cidade, xa que a duración das clases varía desde os 40 minutos nalgunhas autoescolas en Alacant e Sevilla ata a hora e media que pode chegar a durar nalgúns establecementos de Barcelona e Málaga. Así pois, tívose en conta o prezo da clase e mais a súa duración, e calculouse o prezo por minuto en cada unha das 200 autoescolas para posteriormente calcular a media de cada capital.

¿Canto custa sacar o carné?

Cidade	Custo medio	% respecto da media
A Coruña	513	54%
Alacant	854	90%
Barcelona	1.067	112%
Bilbao	1.358	143%
Córdoba	857	90%
Granada	505	53%
Logroño	1.295	136%
Madrid	694	73%
Málaga	714	75%
Murcia	1.054	111%
Oviedo	880	93%
Pamplona	1.326	140%
San Sebastián	1.300	137%
Sevilla	841	89%
Valencia	835	88%
Valladolid	827	87%
Vitoria	1.217	128%
Zaragoza	1.018	107%
Media	949	100%

Aforro posible en cada cidade

Cidade	A autoescola máis cara	A autoescola máis barata	Aforro máximo posible(1)	Custo medio
A Coruña	607	419	188 (31%)	513
Alacant	1.058	348	710 (67%)	854
Barcelona	1.677	724	953 (57%)	1.067
Bilbao	1.415	1.254	161 (11%)	1.358
Córdoba	1.056	609	447 (42%)	857
Granada	703	333	370 (53%)	505
Logroño	1.472	1.176	296 (20%)	1.295
Madrid	882	478	404 (46%)	694
Málaga	1.080	543	537 (50%)	714
Murcia	1.214	875	339 (28%)	1.054
Oviedo	888	845	43 (5%)	880
Pamplona	1.387	1.244	143 (10%)	1.326
San Sebastián	1.406	1.085	321 (23%)	1.300
Sevilla	1.310	602	708 (54%)	841
Valencia	987	681	306 (31%)	835
Valladolid	916	697	219 (24%)	827
Vitoria	1.282	1.042	240 (19%)	1.217
Zaragoza	1.165	677	488 (42%)	1.018
Media	1.139	757	382 (34%)	949

(1). Aforro máximo posible: calculouse a diferenza entre o prezo da autoescola máis cara e o prezo da máis barata da cidade. Deste xeito obtense a máxima cantidade de diñeiro que lle é posible aforrar ao alumno en cada unha das cidades.

A libre competencia en tea de xuízo

Cidade	Custo medio	% de autoescolas en cada cidade cuxo prezo final difire en 80 euros ou menos	Valoración
A Coruña	513	70%	Mal
Alacant	854	60%	Mal
Barcelona	1.067	40%	Aceptable
Bilbao	1.358	83%<	Moi Mal
Córdoba	857	50%	Regular
Granada	505	40%	Aceptable
Logroño	1.295	50%	Regular
Madrid	694	40%	Aceptable
Málaga	714	42%	Aceptable
Murcia	1.054	60%	Mal
Oviedo	880	100%	Moi Mal
Pamplona	1.326	60%	Mal
San Sebastián	1.300	50%	Regular
Sevilla	841	40%	Aceptable
Valencia	835	42%	Aceptable
Valladolid	827	50%	Regular
Vitoria	1.217	80%	Moi Mal
Zaragoza	1.018	50%	Regular
Media	949	56%	Mal

Relacións deste contido