Analizados 103 centros de adelgazamento de toda España: Centros de adelgazamento: unha gran falta de rigor e unha información moi liviá

Táboas comparativas

Como podemos saber se nos sobra peso?

O Índice de Masa Corporal (IMC) é a referencia máis utilizada para determinar onde se sitúa o límite do exceso de peso. Só é válido para adultos de máis de 25 anos de idade. Deriva de aplicar a seguinte fórmula:

IMC (Kg/m2) = PESO (Kg) / [ TALLE (m) x TALLE (m)]

IMC	Resultados
< 18,5	Peso insuficiente
18,5 - 24,9	Peso axeitado (Normopeso)
25,0 - 26,9	Exceso de peso grao I
27,0 - 29,9	Exceso de peso grao II (Preobesidade)
30,0 - 34,9	Obesidade tipo I (Leve)
35,0 - 39,9	Obesidade tipo II (Moderada)
40,0 - 49,9	Obesidade tipo III (Mórbida)
> 50	Obesidade tipo IV (Extrema)

EXEMPLO: O IMC dunha muller de 35 anos, que mide 1,66 metros e que pesa 64 quilos, obtense así:

64/1,66 x 1,66= 23,19

Polo tanto, e a teor dos parámetros da táboa, estaría dentro do peso axeitado. En calquera caso, hai que recalcar que este método non se pode empregar de maneira illada para o diagnóstico.

Considérase que existe exceso de peso cando a cantidade de graxa do corpo é superior ao desexable. E posto que esta fórmula non considera a graxa, debe contrastarse con outras medicións para valorar se efectivamente o paciente necesita ou non perder peso, así como a cantidade total de quilos.

TÁBOA COMPARATIVA

As valoracións dos centros, en detalle

Cidade	Identificación do problema1	Explicación e especificación do tratamento2	Profesionalidadee3	Atención ao cliente4	Cualificación Final5
A Coruña	Moi Ben	Moi Ben	Moi Ben	Moi Ben	Moi Ben
Alacante	Aceptable	Moi Deficiente	Ben	Aceptable	Deficiente
Barcelona	Moi Deficiente	Ben	Regular	Aceptable	Deficiente
Bilbao	Regular	Moi Deficiente	Moi Ben	Moi Ben	Deficiente
Córdoba	Aceptable	Moi Deficiente	Moi Ben	Ben	Deficiente
Granada	Regular	Regular	Aceptable	Moi Ben	Deficiente
Madrid	Regular	Deficiente	Ben	Ben	Deficiente
Málaga	Deficiente	Moi Deficiente	Moi Ben	Ben	Moi Deficiente
Murcia	Regular	Moi Deficiente	Ben	Moi Ben	Moi Deficiente
Oviedo	Aceptable	Ben	Regular	Aceptable	Aceptable
Pamplona	Aceptable	Moi Deficiente	Regular	Aceptable	Moi Deficiente
San Sebastián	Aceptable	Regular	Ben	Ben	Regular
Santander	Regular	Aceptable	Ben	Ben	Aceptabe
Sevilla	Aceptable	Moi Deficiente	Moi Ben	Aceptable	Deficiente
Valencia	Ben	Aceptable	Ben	Ben	Ben
Valladolid	Aceptable	Moi Deficiente	Regular	Ben	Deficiente
Vitoria	Regular	Moi Deficiente	Deficiente	Aceptable	Moi Deficiente
Zaragoza	Aceptable	Regular	Deficiente	Ben	Regular
Media	Regular	Moi Deficiente	Aceptable	Ben	Deficiente

(1) Identificación do problema : valorouse se os centros preguntaban ou lle realizaban unha exploración física ao cliente (nivel arterial, medicións de peso, talle, perímetros e graxa corporal), se preguntaban polos seus antecedentes patolóxicos (problemas de saúde persoais e familiares) e pola posible inxestión de medicamentos. Ademais, valorouse se se interesaban sobre os seus hábitos alimenticios, estado anímico e estilo de vida (exercicio físico, consumo de alcohol, tabaco, etc.). Só así se pode ofrecer un tratamento personalizado e efectivo.

(2) Explicación e especificación do tratamento: considérase que un centro ofrece un tratamento personalizado e adecuado á situación do paciente se previamente realizou un diagnóstico correcto da súa situación e se se consideran os hábitos de alimentación, amais doutras axudas externas como os complementos, os fármacos ou a aparatoloxía. A correcta alimentación e o fomento dunha maior actividade física son a base do tratamento do exceso de peso. A dieta pode acompañarse, en ocasións, de tratamentos de estética local, complementos, fármacos, etc., sempre e cando o seu emprego estea xustificado.

(3) Profesionalidade: valorouse, como é lóxico, se o tratamento ofrecido se axusta ata acadar o obxectivo proposto ao inicio. Ademais, estimouse positivo que a titulación de quen atende ao cliente sexa un médico especializado, un dietista diplomado ou un técnico en nutrición.

(4) Atención ao cliente: valoráronse as condicións nas que o cliente foi atendido: amplitude, luminosidade e limpeza da sala de consulta, a amabilidade no recibido, a dispoñibilidade horaria do centro e mais a resolución das dúbidas presentadas polo cliente.

(5) Cualificación Final: nota final media ponderada dos centros estudados en cada cidade. Valoráronse en maior medida (un 70% da nota) os dous primeiros aspectos: ?Identificación do problema? e ?Explicación e especificación do tratamento?.

Tratamento personalizado versus produtos estrela.
Por cidades, de mellor a peor

Cidade	Tratamento personalizado 1		Tratamento baseado en "produtos estrela"2
	Estudo detallado	Estudo non detallado
A Coruña	100%	0%	0%
Granada	50%	50%	0%
Barcelona	80%	10%	10%
Zaragoza	17%	66%	17%
Oviedo	50%	25%	25%
Valencia	71%	0%	29%
Madrid	40%	30%	30%
San Sebastián	40%	20%	40%
Alacante	40%	20%	40%
Santander	50%	0%	50%
Sevilla	33%	17%	50%
Málaga	0%	50%	50%
Valladolid	40%	0%	60%
Córdoba	20%	0%	80%
Vitoria	20%	0%	80%
Murcia	0%	20%	80%
Bilbao	0%	14%	86%
Pamplona	0%	0%	100%
Media	36%	18%	46%

(1) Tratamento personalizado : estímase que un centro ofrece un tratamento personalizado se previamente realizou un diagnóstico correcto da situación do paciente e se se consideran os hábitos de alimentación e de estilo de vida, amais doutras axudas externas como complementos, fármacos, aparatoloxía, etc. A fórmula idónea, e a recomendada polos expertos, é a que se efectúa de xeito detallado. Así e todo, tamén se dan casos de tratamento personalizado que se basean nun estudo non detallado, é dicir, sen identificación do problema, sen detallar a dieta, sen ter en conta o estilo de vida, etc. Este tipo de tratamento personalizado non se considera adecuado.

(2) Tratamento baseado en produtos estrela: cando o centro basea os seus tratamentos en produtos ou tratamentos propios (de venda no propio local) sen realizar unha correcta avaliación do problema nin considerar aspectos como o estilo de vida e os hábitos alimentarios do paciente.

Relacións deste contido