Vivenda. Atraso na entrega

O vendedor non paga a indemnización polo atraso na entrega da casa

  Un cliente asinou en 1996 un contrato privado de compravenda dunha vivenda en construción no que se pactaba unha data concreta de entrega e unha indemnización mediante cláusula penal se calquera das dúas partes incumpría o acordo contractual. Chegada a data de entrega, produciuse un atraso do vendedor que obrigou o comprador a alugar unha vivenda. Cinco semanas despois da data pactada, o vendedor emprazou o titular para asinar a escritura e a entrega de chaves, pero este opúxose alegando a necesidade de descontar do prezo a indemnización pactada. Finalmente o consumidor demandou a empresa reclamando a indemnización e o pagamento das perdas e danos causados. O Tribunal Supremo, en sentenza do 28 de setembro de 2006, resolveu que o vendedor non incumpriu de xeito total o contrato, senón só de xeito parcial, polo que considera axustada a cantidade de 3.000 euros como indemnización, e non a pactada, moi superior, e condenou ao comprador ao pagamento das costas do recurso.

Relacións deste contido