Saltar o menú de navegación e ir ao contido

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Boletines
    •  | Baixa  | Máis opcións |
  • Portadas anteriores

EROSKI CONSUMER, el diario del consumidor

Buscador

logotipo de fundación

Canles de EROSKI CONSUMER


Estás na seguinte localización: Portada > Edición impresa > Alimentación

Λ

Outras informacións sobre Alimentación: Primavera / Alcohol / Substitutos de graxas / UHT

Claves para se alimentar ben na primavera

Para o almorzo

Pódense preparar de véspera unhas papas de avea con leite para comezar o día con enerxía.

Papas de avea. Este cereal contén avenina, unha substancia de efecto sedante suave. Tonifica e equilibra o sistema nervioso, polo que axuda a combater a ansiedade, a fatiga ou astenia, o insomnio e mais a tensión.

En comidas e ceas

Non deben faltar os vexetais propios da estación.

  • Alcachofas. Conteñen cinarina, unha substancia ácida que facilita a dixestión das graxas -favorece a función do fígado-, axuda a reducir os niveis de colesterol e de acción diurética.
  • Chícharos. A primavera é a estación idónea para saborear os seus pequenos e doce grans, ricos en ácido fólico ou vitamina B9. Un nutriente esencial para previr dende a espiña bífida -defectos no desenvolvemento do tubo neural do feto- e a anemia, ata determinados tipos de cancro.

Que comer entre horas?

O mellor é elixir froita de tempada, está no seu mellor momento.

  • Albaricoques. Están no seu mellor momento dende a primavera ata finais do verán. A súa abundancia en betacaroteno ou provitamina A permite coidar a saúde da pel, coincidindo cos primeiros días de exposición ao sol.
  • Amorodos. Co consumo de 200 gramos de amorodos cóbrese o dobre das necesidades diarias de vitamina C con só 70 calorías. Probe a combinalas con zume ou leite, para degustalas sen preocuparse polas calorías.

O dato "30"

  É a cantidade de alcohol en gramos que a Organización Mundial da Saúde -OMS- recomenda non superar nun día no caso dos varóns, e de 20 gramos/día no caso das mulleres. Esta cantidade correspóndese coa inxestión diaria dun vaso ou dunha botella pequena de bebida alcohólica de baixa graduación como cervexa, sidra ou viño na muller, ou de dúas unidades no home.

Fálase de

Substitutos de graxas

Boa parte dos alimentos que máis gustan son ricos en graxa. O certo é que a graxa mellora o sabor da comida e proporciona unha sensación moi agradable na boca, amais de ser un nutriente que cumpre importantes funcións. Achega enerxía, ácidos graxos esenciais -que o organismo non pode producir por si mesmo-, transporta as vitaminas A, D, E e K e facilita a súa asimilación. Unha dieta sen graxa sería incomestible e incompatible cun bo estado de saúde, pero o seu exceso tamén resulta prexudicial. Por iso hai que moderar o seu consumo. Neste contexto xorden os alimentos con reducido contido de graxa. Os lácteos desnatados, a margarina light, bolería con menos graxa e un longo etcétera, son alimentos que inclúen os chamados "substitutos de graxa".

Estas substancias obtéñense a partir de hidratos de carbono -amidón modificado, gomas e fibra vexetal-, proteínas -soro lácteo, leite, ovo ou proteína de millo- e graxas -graxas e aceites como o de soia-. Dous dos substitutos máis destacables, aprobados pola Administración de Alimentos e Drogas dos Estados Unidos -FDA- para o seu uso en alimentos, son a polidextrosa -elabórase a partir de hidratos de carbono- e a olestra -unha pseudograxa sen calorías-.

Estas pseudograxas permiten potenciar o sabor e simular a textura das graxas, reducindo a achega calorífica de moitos produtos. Os alimentos con pouca graxa son unha opción a ter en conta para reducir o contido de graxa global da dieta. Non obstante, non son indispensables, xa que se pode levar a cabo unha dieta pobre en graxa con alimentos comúns. Ademais, non por ser light pode tomar o dobre nin compensar a súa baixa achega calorífica consumindo maior cantidade doutros alimentos ao longo do día.

Menú tipo "Astenia primaveral"

  •  Almorzo
    Un vaso de leite con chicoria, avea e muesli, e zume de laranxa.
  • Xantar
    Acelgas con garavanzos. Polo á hortelá. Pan de cereais e macedonia natural de amorodos con kiwi e plátano.
  • Merenda
    Dúas torradas con queixo, marmelo e unha manchea de froitos secos crus sen sal.
  • Cea
    Leituga, aguacate, millo cocido, cenoria relada e cebola. Tortilla de allos tenros e gambas. Pan de cereais e leite callado con mel.

O truco: Inclúa infusións de romeu, xa que esta planta axuda a que o organismo se adapte mellor aos cambios de estación.

O ABC da nutrición

UHT -ultra high temperatura-.

  O leite en cartón é o exemplo máis claro de alimento uperizado. A uperización é un proceso que hixieniza e alonga a conservación dos alimentos. Elimina os microbios que poden alterar e pór en perigo a saúde do consumidor. Consiste en aplicarlle ao alimento unha temperatura moi elevada nun breve período de tempo -de 140 a 150º C durante segundos-, sen alterar o sabor nin as propiedades nutricionais.


Outros servizos


Buscar en

Información de Copyright e aviso legal

Visita nuestro canal Eroski Consumer TV

En EROSKI CONSUMER tomámosnos moi en serio a privacidad dos teus datos, aviso legal. © Fundación EROSKI

Fundación EROSKI

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto