Saltar o menú de navegación e ir ao contido

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Boletines
    •  | Baixa  | Máis opcións |
  • Portadas anteriores

EROSKI CONSUMER, el diario del consumidor

Buscador

logotipo de fundación

Canles de EROSKI CONSUMER


Estás na seguinte localización: Portada > Edición impresa > O máis práctico > Consellos

Λ

Telefonía móbil: Liberdade para cambiar de operadora

A normativa protexe cada vez máis os intereses e dereitos dos consumidores ante a rescisión de acordos coas operadoras de telefonía móbil

  Con máis de 44 millóns de clientes de teléfonos móbiles, na actualidade hai máis liñas ca habitantes censados en España. Asociacións de Consumidores e Servizos Públicos de Información en Consumo non cesan de atender clientes desinformados e insatisfeitos. Ás reclamacións habituais por trabas e penalizacións na tramitación da baixa, información defectuosa, atrasos e facturas incorrectas, únense outros problemas, como altas en alertas e subscricións non solicitadas. Segundo o Observatorio das Telecomunicacións e da Sociedade da Información, entidade pública empresarial adscrita ao Ministerio de Industria, o gasto de telefonía móbil nos fogares españois supera xa o da telefonía fixa.

Cales son os dereitos do usuario de telefonía móbil?

Ten dereito a darse de baixa, a cambiar de operador e a conservar o seu número, e mais a ser indemnizado pola interrupción do servizo, a recibir a factura analizada e a elixir o modo de pagamento. Doutra banda, está no seu dereito de obter unha información suficiente e veraz e, por suposto, a reclamar. En definitiva, pode reivindicar un servizo acorde coa calidade esixible.

Unha persoa pódese dar de baixa cando queira?

Si. Unha vez comunicado ao servizo de atención ao cliente, farase efectiva a baixa en 15 días. Pero se esta se basea nun incumprimento da operadora, será inmediata e deberá reclamar ata que sexa atendido.

A operadora di que o usuario asinou un período de permanencia dun ano.

A pesar desta limitación, ten dereito a darse de baixa cun preaviso de 15 días. Agora ben, deberá asumir as consecuencias previstas no contrato por incumprir o período de permanencia, habitualmente unha indemnización económica.

Entón, estas penalizacións son legais?

Si, aínda que en ocasións poden ser abusivas. Isto sucede cando a penalización é desproporcionadamente alta ou cando hai un desequilibrio entre os dereitos e obrigas das partes. Por exemplo, penalízase o usuario por rescindir o contrato e en cambio facúltase a operadora para continuar cos trámites discrecionalmente, sen consecuencia ningunha. Nestes casos, pode reclamar.

Onde e como se dá parte da baixa?

Dirixa a súa solicitude ao Servizo de Atención ao Cliente que figure no contrato. Pode atopar un número de teléfono, un enderezo electrónico e unha dirección postal. Pódese enviar unha carta certificada con xustificante de recepción e comprobar se chegou facendo unha chamada telefónica ou enviando un correo electrónico. É importante solicitar o número de referencia que asignou a operadora á súa solicitude e esixir que lle envíen un documento de confirmación.

Como se pode conservar o número de teléfono?

  Para conservar o número hai que seguir estes pasos:

  • Diríxase a outra operadora e solicite alta con portabilidade de número.
  • Indique a data máis favorable para o cambio (mínimo seis días e máximo en 30 días dende a solicitude) e asine os documentos de alta con portabilidade e baixa na actual operadora.
  • Solicite copia dos documentos.

A operadora elixida encargarase de todos os trámites.

Pode negarse a operadora que deixa o usuario a dar o número?

Non, salvo que:

  • Na solicitude de portabilidade haxa algún dato erróneo ou incompleto.
  • Conte cunha solicitude previa de portabilidade.
  • O subscritor teña o servizo suspendido ou interrompido por débeda pendente.
  • A tarxeta SIM fose denunciada por roubo ou perda.
  • O subscritor teña tarxeta SIM múltiple ou contrato multiliña.
  • Por imposibilidade técnica.

É legal que a operadora corte a liña sen avisar?

Debe haber un incumprimento do subscritor que o xustifique, como o non pagamento das facturas. Lea o seu contrato: a lei obriga a operadora a preavisar só en telefonía fixa, de maneira que en telefonía móbil hai que ser fieis ao contrato.

E se o subscritor non pagou porque non está conforme coa factura?

Nese caso solicite a factura detallada. Se non está conforme coas chamadas aos Servizos de Tarificación Adicional (os números 800), non os aboe, pero si o resto da factura. O prazo para reclamar é dun mes dende que recibiu a factura. Non agarde a que lle requiran o pagamento e a que o inscriban nun ficheiro de morosos.

A persoa afectada, como pode reclamar?

Hai que dirixirse ao servizo de atención ao cliente no prazo dun mes dende o seu último pagamento. Debe esperar un mínimo de 30 días para a resposta. Se non é satisfactoria ou non a hai, pode formular unha arbitraxe de consumo ou acudir ao SETSI (Secretariado de Estado de Telecomunicacións). Esta resolverá en seis meses, podéndose recorrer en vía contencioso-administrativa.

Que pode facer quen recibe mensaxes curtas con contidos non solicitados?

Están prohibidos cando non hai unha solicitude previa do usuario. Probe a enviar unha mensaxe que conteña a palabra "BAIXA" ao número curto mediante o cal se publicita o servizo. Tamén pode chamar ao teléfono da Asociación de Empresas de Servizos a Móbiles 902 93 46 12 para identificar o prestador do servizo a partir do número ou código curto que utiliza, o que lle permitirá acceder automaticamente ao servizo de atención ao cliente da empresa provedora, sempre que esta forme parte de AESAM (Asociación Empresas Servizos a Móbiles). En www.aesam.org atopará máis información.

Sabía vostede que unha Orde aprobada este ano polo Ministerio de Industria obriga as operadoras de telefonía móbil con facturación anual superior a 20 millóns de euros a informar trimestralmente sobre o nivel de calidade prometido e o finalmente proporcionado. Ademais, as súas medicións serán auditadas por entidades independentes e o incumprimento dos niveis de calidade daralles dereito aos subscritores a ser indemnizados.

Non só se auditará a calidade do servizo, senón tamén a calidade da facturación para evitar erros. Así e todo, a Orde sobre calidade das comunicacións electrónicas dá cabida ao redondeo dos cargos, polo que non impón a facturación por segundos, en detrimento do dereito do usuario a pagar polo realmente consumido.


Outros servizos


Buscar en

Información de Copyright e aviso legal

Visita nuestro canal Eroski Consumer TV

En EROSKI CONSUMER tomámosnos moi en serio a privacidad dos teus datos, aviso legal. © Fundación EROSKI

Fundación EROSKI

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto