Saltar o menú de navegación e ir ao contido

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Boletines
    •  | Baixa  | Máis opcións |
  • Portadas anteriores

EROSKI CONSUMER, el diario del consumidor

Buscador

logotipo de fundación

Canles de EROSKI CONSUMER


Estás na seguinte localización: Portada > Edición impresa > Alimentación

Λ

Outras informacións sobre Alimentación: Pratos únicos, nutritivos e equilibrados / 400 miligramos de sodio / Menú para os que teñen présa / Glicemia

Claves para elaborar pratos únicos, nutritivos e equilibrados

  • Para lograr nun só prato un menú equilibrado non poden faltar nin vexetais, nin alimentos proteicos nin farináceos -arroz, pasta, patacas, legumes ou pan-. Lácteos e froitas poden servir de sobremesa.
  • Se o ingrediente principal é a proteína -carne, peixes ou ovos- acompañarase con abundantes vexetais. A gornición pode ser unha manchea de arroz ou de pasta, ou un anaco de pan para acompañar. Así quedan representados todos os nutrientes.
  •  Unha combinación axeitada de vexetais tamén dá como resultado un prato único, nutritivo e equilibrado. Obtense da mestura de legumes con cereais e froitos secos; de fabas brancas con arroz e cabaza, de espaguetes con chícharos e salsa de améndoas, de humus ou paté de garavanzos con sésamo untado en pan...
  • Recoméndase un prato grande -o que se emprega para servir pratos combinados- para colocar ben os alimentos. Permite ademais que a presentación sexa atraente e que a comida resulte apetecible.
  • Se se deixa preparado de antemán o arroz cocido ou a pasta, só resta mesturalos cunha ensalada -pode ser de bolsa-, e con anacos de queixo, xamón cocido ou coa peituga que quedou do día anterior.
  • As sobras de verduras pódense preparar con ovo e facer unha saborosa tortilla vexetal. En bocadillo representa unha comida moi equilibrada e nutritiva.
  • É posible converter unha comida rápida nun exemplo de comida equilibrada. Por exemplo: pizza caseira cunha base de verduras refogadas: allo, cebola, pemento verde, berenxena, cabaciña, tomate... A proteína lógrase con gambas, peixe esmiuzado, tiras de polo, carne picada de porco ou de becerro, etc.

O dato: 400

Son os miligramos de sodio que conteñen 100 gramos de moitos cereais de almorzo. Sodio de máis nun só alimento, e máis se temos en conta que son moi consumidos polos nenos e que a Organización Mundial da Saúde (OMS) recomenda que os nenos non superen os 1500-2000 miligramos de sodio ao día.

Menú para os que teñen présa

  • Almorzo
    Zume de froita envasado. Leite con mel e galletas.
  • Xantar
    Tortas de arroz ou barriña de cereais. Café con leite.
  • Comida
    • Prato único: Macarróns (cocidos o día anterior) mesturados con ensalada (de bolsa) e anacos de xamón cocido, atún e queixo.
    • Pan integral. Froita. Infusión dixestiva (cun xeo para que arrefríe antes).
  • Merenda
    Iogur e froita.
  • Cea
    • Tortilla de sardiñas de lata con gornición de pementos vermellos en conserva.
    • Pan integral. Leite callado con mel e froitos secos.

ABC da nutrición

 

Glicemia:

Cantidade de glicosa no sangue. Os valores normais sitúanse entre os 70 e os 105 miligramos por decilitro. A glicosa aumenta tras inxerir alimentos con carbohidratos -azucre, doces, pan, arroz, pasta, patacas, legumes, froitas-. Nunhas horas volve aos niveis normais grazas á insulina, unha hormona producida polo páncreas que permite que a glicosa pase do sangue ás células e que alí se transforme en enerxía. Cando a glicemia baixa, o páncreas secreta outra hormona, o glicagón, que fai que a glicosa acumulada no fígado chegue ao sangue e así volve normalizarse.


Outros servizos


Buscar en

Información de Copyright e aviso legal

Visita nuestro canal Eroski Consumer TV

En EROSKI CONSUMER tomámosnos moi en serio a privacidad dos teus datos, aviso legal. © Fundación EROSKI

Fundación EROSKI

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto