Responsabilidade médica

A curación dun cólico biliar acabou en falecemento

 Unha paciente ingresou nun hospital público para ser intervida dun cólico biliar cunha técnica laparoscópica. Durante a intervención produciuse a hemorraxia dunha arteria e procederon á súa ligadura. Nas horas seguintes o seu estado empeorou e faleceu. A súa filla reclamoulle responsabilidades á Administración con indemnización de 180.000 euros polo dano moral causado por perder a súa nai, de 56 anos. Logo de ser desestimada a súa reclamación previa, foi a xuízo.

A sección sexta da sala terceira do contencioso administrativo do Tribunal Supremo, en sentenza do 20 de xuño de 2006, condenou ao Insalud a pagar esa indemnización de acordo á responsabilidade patrimonial da Administración Pública. O Supremo argumentou que a paciente ingresara para unha intervención de mínimo perigo e que lle correspondía á Administración probar que actuara coa debida dilixencia, o que non fixo. Ademais, o consentimento prestado foi incompleto, xa que asinou un documento indicativo dos riscos xerais e non un impreso personalizado, polo que a paciente descoñecía os riscos concretos.

Relacións deste contido