Vivenda. Cláusulas abusivas. Imposto sobre o incremento de valor dos terreos de natureza urbana ou plusvalía.

Os compradores dunha vivenda teñen que pagar o imposto de plusvalía

 Uns consumidores adquiríronlle a unha promotora unha vivenda, pero na escritura de compravenda indicábase que "todos os gastos, mesmo o imposto municipal sobre o incremento de valor dos terreos de natureza urbana que esta escritura orixine serán de conta e cargo exclusivo da parte compradora". Por considerar esta cláusula abusiva, demandaron á vendedora solicitando a nulidade desa imposición. Aínda que gañaron en primeira instancia, perderon na apelación.

A sección 4ª da Audiencia de Cantabria, en sentencia do 3 de xaneiro do 2006, argumentou que a imposición á parte compradora deste imposto non é un abuso e que non é contraria á Lei do consumidor. Considerou, polo tanto, a cláusula válida de acordo co principio de liberdade de pactos, se ben non lle impuxo as custas ó perdedor, como é habitual, por recoñecer serias dúbidas de dereito no caso suscitado.

Relacións deste contido