Responsabilidade por produtos defectuosos

O óso dunha oliva teoricamente desosada rómpelle unha moa

  Unha consumidora sufriu a rotura dunha moa pola presenza dun óso nas latas de olivas desosadas que adquirira. Negociou co fabricante unha indemnización polos danos sen resultado, polo que acudiu a xuízo, no que a sección 17 da Audiencia Provincial de Barcelona, en sentencia do 29 de novembro do 2005, lle deu a razón e condenou o fabricante e a súa aseguradora a aboarlle os máis de 4.000 euros do tratamento odontolóxico.

En casos coma este correspóndelle ó prexudicado probar o defecto, o dano e a relación causa-efecto entre ambos, e o tribunal considerou que a consumidora cumpriu con tales probas. A Audiencia argumentou que un produto defectuoso é aquel que non ofrece a seguridade que cabe lexitimamente esperar tendo en conta a súa presentación e o seu uso razoable. Así sucedeu no caso das olivas desosadas, aínda que o fabricante cumprira con todos os requisitos da normativa vixente no proceso de fabricación e comercialización.

Relacións deste contido