Responsabilidade médica (Cirurxía estética)

A mellora estética da dentadura acaba en desastre

 Unha usuaria acudiu en 1999 a unha clínica estética para recibir un tratamento dental de carácter estético -extracción de 12 pezas dentarias e colocación de catro implantes osteointegrados- polo prezo de 10.836,25 euros. Esta operación fracasou, polo que a afectada, con problemas de fonación e de deglución, demandou aos facultativos que a interviñeron e ao centro.

A sección segunda da Audiencia Provincial de Sevilla, en sentencia do 30 de marzo do 2005, absolveu aos médicos por actuaren conforme ao saber facer médico, pero declarou á clínica responsable por non acadar o resultado estético buscado e polos danos morais. Argumentou que a odontoloxía estética se enmarcaba dentro dun contrato de obra con obriga de resultado. Probado o seu incumprimento, condenou a clínica a devolver o prezo total xa pagado e a indemnizar en concepto de danos morais en 21.627 euros.

Relacións deste contido