Saltar o menú de navegación e ir ao contido

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Boletines
    •  | Baixa  | Máis opcións |
  • Portadas anteriores

EROSKI CONSUMER, el diario del consumidor

Buscador

logotipo de fundación

Canles de EROSKI CONSUMER


Estás na seguinte localización: Portada > Edición impresa > Alimentación

Λ

Outras informacións sobre Alimentación: Almorzar ben en 15 minutos / 800 miligramos de calcio / 0% de materia graxa / Purinas / Menú para persoas con problemas de circulación

Claves para almorzar ben en 15 minutos

  •  Para vencer a preguiza de prepararmos o almorzo, mellor comezar a tarefa coa lista da compra: do mesmo xeito que se planifican xantares e ceas, pódese pensar no almorzo ao facer a compra, especialmente cantas máis persoas vivan na casa.
  • Pódese simplificar o traballo da mañá deixando todo preparado a noite anterior: a cunca, o azucre, o cacao, os cereais, o pan, a cafeteira co café...
  • É moi útil dispor dun recuncho na cociña só para o almorzo. Será máis doado e cómodo atopar o que se busca e asociaremos ese curruncho ao recomendable costume de almorzar.
  • Nunca foi tan rápido e doado preparar o almorzo como cos actuais electrodomésticos (a cafeteira, a torradora ou o microondas): son rápidos, moi fáciles de utilizar e poden funcionar mentres nos preparamos para saír.
  • Un bo almorzo debería incluír lácteos -leite, iogur, queixos...-, farináceos -pan normal, integral, torrado, de molde, con froitos secos, cereais, galletas, manteigadas...- e froita, macedonia ou zume. E por qué non, froitos secos, marmelada ou mel. E, ocasionalmente, xamón, manteiga ou margarina.

O dato

800...

  son os miligramos de calcio que precisa o organismo acotío. Esta cantidade é maior no caso de nenos, embarazadas e nais lactantes. Acádase se se toman 3 vasos de leite -3/4 litro- ao día, e se se alterna o leite con alimentos ricos en calcio como iogures, queixos ou requeixo. Tamén as sardiñas en late son unha interesante fonte de calcio.

Fálase de...

0% de materia graxa (MG), igual a 0 calorías?

  A frase de "0% de materia graxa (MG)" converteuse nun dos principais reclamos de iogures, zumes ou leites, que locen na súa etiqueta este slogan a modo de engado con letras e cores moito maiores ca o resto da información nutricional. A mensaxe que se intenta transmitir é que un produto con "0% de materia graxa (MG)" contén menos calorías e resulta máis saudable, pero é sempre así?

Non en todos os alimentos

  É certo que algúns alimentos con 0% MG -ou outros similares como 0,4% MG, ou 0,9% MG- conteñen menos graxas e tamén menos calorías. Pero outros, aínda que conteñen pouca graxa, poden incluír unha importante cantidade de azucre. Un exemplo típico é o leite condensado desnatado: practicamente non contén graxa, pero si moito azucre, polo que cómpre moderar o seu consumo, aínda que a mensaxe de "só o 0,4% graxa" dea a entender o contrario. Algo semellante acontece cos iogures e xeados 0% MG: aínda que non teñen graxa son moi calóricos, pois a súa fonte de calorías non é a graxa, senón o azucre.

Para saber cando un alimento que loce o "0% MG" realmente ten menos calorías hai que fixarse na lista de ingredientes, comparar a súa composición nutritiva -cantidade de calorías, de azucres e de graxas- coa doutros alimentos semellantes e comprobar se hai diferenzas. Non hai que ser un experto para interpretar os datos da etiqueta, abonda con saber que os ingredientes aparecen en orde decrecente.

O abc da nutrición

 Purinas: son compostos orgánicos abundantes en carnes vermellas e caza, vísceras, peixes azuis, mariscos, embutidos e nalgúns vexetais como espárragos, espinacas, acelga, coliflor, champiñóns e cogomelos. O organismo transforma as purinas en ácido úrico, polo que o exceso de alimentos ricos en purinas causa hiperuricemia e gota.

Menú para persoas con problemas de circulación

Almorzo
Licuado de laranxa, mazá e cenoria. Té verde. Iogur con muesli.

Taco
Infusión*. Pan integral con tomate, aceite e xamón.

Xantar

  • Ensalada de leituga, berros, cenoria, tomates cherry, cebola e aguacate.
  • Garavanzos con arroz integral e piñóns.
  • Pan integral e laranxa.

Merenda
Infusión*. Queixo fresco, mel e noces.

Cea

  • Crema de espinacas.
  • Salmón ao forno con aneto.
  • Pan integral e uva.

*Vide vermella, castiñeiro de Indias, rusco, hamamelis: son plantas que conteñen substancias -taninos e polifenois- que favorecen a circulación venosa.

O truco: Elixir alimentos que fortalecen as arterias e as veas -froitas, hortalizas e verduras, peixe, froitos secos e aceite de oliva- e que fan o sangue máis diluído, menos viscoso. Mellora a circulación sanguínea se se comen 3 froitas, unha ensalada e algo de verdura acotío; se se toma decote unha manchea de noces; se se toma peixe azul polo menos 2 veces por semana e se se bebe abundante auga.


Outros servizos


Buscar en

Información de Copyright e aviso legal

Visita nuestro canal Eroski Consumer TV

En EROSKI CONSUMER tomámosnos moi en serio a privacidad dos teus datos, aviso legal. © Fundación EROSKI

Fundación EROSKI

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto