O ficheiro de morosos equivócase de persoa

  Unha consumidora acudiu a unha entidade financeira para solicitar un préstamo e foille denegado por falta de solvencia. Segundo a entidade, constaba nun ficheiro de morosos como debedora dun crédito anterior. En realidade, o crédito citado xa fora aboado na súa totalidade e o expediente de embargo era contra outra persoa co seu mesmo nome e apelidos. A afectada levou o ficheiro de morosos a xuízo e a sala 1ª do civil do Tribunal Supremo, en sentenza do 7 de marzo de 2006, deulle a razón. O Supremo constatou que a demandante vira atentada a súa dignidade persoal e que este dano se debía á información errónea do ficheiro. Afirmou que o cidadán non pode estar desvalido ante o risco de que outra persoa cos mesmos nomes e apelidos, algo máis frecuente do que parece, incorra en auténtica morosidade e sufrir así inxustas consecuencias.

A empresa titular dos ficheiros, engadiu, non se pode escudar en que obtivo os datos de fontes oficiais, senón que debeu comprobar con dilixencia os datos persoais. E aínda que non houbese intención difamatoria ou de danar, debe responder do dano moral causado. Por iso a condenou a unha indemnización dunha cantidade de 3.000 euros e co pagamento das custas.

Relacións deste contido