EN IMAXES: Como se pon a punto unha praia?

23:00 A cribadora

Rematada a xornada e aproveitando a retirada de bañistas, un equipo disponse a recoller o lixo máis voluminoso e a filtrar a area cunha máquina cribadora. A limpeza da area é clave para ofrecer unha praia hixiénica e segura. A area debe ser osixenada diariamente mediante volteo, con isto evítase o risco de incubación de bacterias patóxenas.

  
Ruben García Blázquez   
Ruben García Blázquez

6:00 Limpeza da liña de marea

Grupos de operarios dispóñense a "limparlle" a cara ao espazo que máis persoas congregará ao longo do día. Trátase de recoller os refugallos que o mar depositou durante a noite e que marcan cunha liña ata onde subiu a auga. Malia o que puidese parecer, a gran maioría do lixo dun areal non o deixan os bañistas, senón que o trae o mar. Con todo, tamén é lixo humano, só que provén dos barcos ou dos desaugadoiros.

  
Ruben García Blázquez   
Ruben García Blázquez

7:00 Acondicionamento dos accesos e servizos

Chega o momento de limpar, con vasoira e auga, as ramplas de acceso e as pasarelas que transitan as diferentes partes da praia. Tamén hai que quitar a sucidade acumulada nas plataformas mariñas, hixienizar os lavapés, repasar as duchas e desinfectar os urinarios. Baleirar papeleiras e repoñer elementos como os conos de plástico individuais para depositar materiais non-biodegradables (cabichas, pipas...) son outros dos labores.

  
Ruben García Blázquez

9:00 Apertura de cabinas, puntos de información e de socorro

Persoal sanitario, socorristas e asistentes de lecer danse cita ás 9 da mañá para distribuír o traballo, repasar o material da caixa de urxencias, comprobar o estado da sinalización, ordenar as balizas de seguridade, colocar a bandeira verde, amarela ou vermella en función do estado do mar e ensaiar a megafonía. A partir dese momento trabállase sen descanso en quendas de 6 horas.

  
Ruben García Blázquez

10:00 Comezan a funcionar os servizos

O chiringo arrinca a pinchar a súa música, as hamacas ocupan o seu espazo e os toldos fan sombra. A praia está lista para 12 horas de sol e de ruído que, grazas á porosidade da area, queda silenciado, porque se se escoitase nun espazo liso sería enxordecedor.

  
Ruben García Blázquez

12:00 Inspección visual da zona de baño e recollida das mostras de calidade de auga

Profesionais cualificados diríxense periodicamente aos puntos sinalados de control para realizar a análise microbiolóxica da auga. Cada punto da mostraxe é representativo dunha zona de baño e é elixido ao considerarse susceptible de estar contaminados pola súa proximidade aos desaugadoiros, ás fábricas ou a lugares críticos. As augas poden valorarse como óptimas e aptas, que non precisarán de intervención, ou non-aptas, nese caso deberá facerse público e adoptaranse medidas para prohibir o seu uso.

  
Ruben García Blázquez

16:00 Reforzo vespertino: retirada de restos das mareas e cambio de papeleiras

Cada vez son máis numerosas as praias que incorporan puntos limpos, é dicir, espazos onde se recolle o lixo baixo criterios de reciclaxe, pero o que non falta en ningunha praia son papeleiras.

  
Ruben García Blázquez

Outras fotorreportaxes que che poden interesar

• A cereixa: algo máis ca un froito
• Mercadorías que voan
• Sobre os alicerces da palabra
• Esquí alpino adaptado: reto e sacrificio vestidos de branco
• O camiño da electricidade
• A viaxe dun bo desexo
• O ensino musical: unha sinfonía de catro movementos
• A cidade flotante do transporte
• Un bocado con suspense
• Un caramelo esculpido no corazón do Pirineo
• Cultivo de rosas, a paisaxe máis impresionista
• Labregas do mar
• Como se reciclan os aparellos eléctricos?
• Recunchos de vida
• A receita da eterna xuventude
• Iluminar máis para ver menos
• De alimento básico a manxar de reis
• Unha luz na escuridade
• A pel da devesa
• Ocaso e esplendor nos humedais
• Moito máis ca apagar lumes
• Ir por la e saír rapada
• O mar entre catro paredes
• Operación: a viaxe da arte
• Unha xornada nunha estación de esquí