A compañía aérea debe indemnizar un cliente pola cancelación dun voo

 Un consumidor contratou un voo Bilbao-Valencia que se cancelou, o que provocou que o afectado chegara dúas horas e media máis tarde ao seu destino. Por sio, reclamou á compañía aérea sen resultado e acudiu aos Tribunais sen avogado para solicitar unha indemnización de 250 euros.

O Xulgado do Mercantil número 2 de Bilbao, en sentenza de 20 de marzo de 2006, deu a razón ao demandante. Argumentou que o Regulamento europeo 261/2004 obriga ás compañías a indemnizar os seus pasaxeiros por cancelación de voos, agás en caso de forza maior, pero eta forza maior debe ser probada, o que non se fixo no xuízo.

Ademais, o réxime de horarios dos voos é, segundo o Xulgado, un elemento esencial do contrato de transporte e o seu cumprimento non pode deixarse á vontade do transportista. O xulgado tamén engadiu que nestes xuízos verbais nos que o consumidor se defende sen avogado, mentres que a outra parte conta con letrado, é labor do xuíz axudar a salvar os defectos técnicos de quen non coñece o Dereito.

Relacións deste contido