Saltar o menú de navegación e ir ao contido

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Boletines
    •  | Baixa  | Máis opcións |
  • Portadas anteriores

EROSKI CONSUMER, el diario del consumidor

Buscador

logotipo de fundación

Canles de EROSKI CONSUMER


Estás na seguinte localización: Portada > Edición impresa > O máis práctico > Consultorio legal

Λ

Se degoras que resolvamos tu caso en revista.consumer.es ponte en contacto con nosoutros. Como é lóxico, sólo serán publicadas as consultas que dende revista.consumer.es consideremos máis interesantes.

A operadora de ADSL segue cobrando a un consumidor pese a darse de baixa

Deime de alta nun produto de proba de ADSL. Tres meses despois remitín un correo electrónico solicitando a baixa. Indicáronme daquela que chamase a un número de teléfono, pero non o considerei necesario, e retirei o módem ADSL para evitar calquera problema. A compañía continuoume facturando, así que me puxen en contacto telefónico e explicáronme que o correo electrónico non era válido para darme de baixa e que me pasaran de forma automática ao servizo ADSL máis caro. A baixa só se produciría se pagaba por adiantado os seis meses que faltaban de contrato. Recentemente recibín dunha compañía de avogados un requirimento de pagamento da débeda dun mes e fíxeno efectivo. Só busco romper a relación con esta empresa e pagando só o consumido.

 Os usuarios de comunicacións electrónicas teñen dereito a resolver o contrato en calquera momento e sen alegar ningún motivo, comunicándoo cunha antelación de quince días. Ademais, os operadores deben dispoñer dun departamento ou servizo especializado de atención ao cliente, que teña por obxecto atender e resolver as queixas e reclamacións e calquera incidencia contractual.

No caso presentado, se o afectado enviou o correo electrónico ao departamento de atención ao cliente sinalado no contrato, a operadora debería facer efectiva a baixa sen maiores consecuencias quince días despois da súa comunicación. Pero se enviou o correo electrónico a unha dirección errónea, foi informado correctamente de que a xestión da baixa debía ser tramitada no número de teléfono que lle indicaron e non o fixo, en realidade non chegou a solicitar a baixa. O afectado debería polo tanto comprobar no contrato se xestionou correctamente a baixa. Se non foi así, debe valorar facelo agora tendo en conta as posibles penalizacións por incumprir, caso de o haber, un compromiso de permanencia.

Para darse de baixa, ten que dirixirse ao departamento correspondente na forma axeitada e deberá ser efectiva en quince días, se ben deberá aboar as facturas polos meses de vixencia do contrato. Pedirá ademais un número de referencia da xestión e xustificante de recepción con constancia da solicitude de baixa. Pero se xestionou debidamente a anulación do servizo, convén presentar unha reclamación ao departamento de atención ao cliente na que pedirá a baixa con efecto desde quince días despois da súa solicitude e a devolución das cantidades cobradas, ademais do número de referencia da súa reclamación e xustificante de recepción. Se nun mes non obtén unha resposta satisfactoria, pode acudir a arbitraxe de consumo ou á Secretaría de Estado de Telecomunicacións (SETSI).


Outros servizos


Buscar en

Información de Copyright e aviso legal

Visita nuestro canal Eroski Consumer TV

En EROSKI CONSUMER tomámosnos moi en serio a privacidad dos teus datos, aviso legal. © Fundación EROSKI

Fundación EROSKI

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto