Saltar o menú de navegación e ir ao contido

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Boletines
    •  | Baixa  | Máis opcións |
  • Portadas anteriores

EROSKI CONSUMER, el diario del consumidor

Buscador

logotipo de fundación

Canles de EROSKI CONSUMER


Estás na seguinte localización: Portada > Edición impresa > O máis práctico > Consellos

Λ

Refrixerar a nosa casa: Un equipo para cada necesidade

Ventiladores, climatizadores, evaporadores, aire acondicionado... A variedade de aparellos dispoñible no mercado para arrefriar unha estancia é tal que convén saber qué sistema se adapta mellor ás necesidades e posibilidades de cada fogar. A estrela do verán en materia de refrixeración son os sistemas de aire acondicionado, un auténtico luxo hai uns anos, pero moito máis habituais nas nosas casas hoxe debido aos seus prezos accesibles (un aparello portátil de aire acondicionado pódese atopar desde 250 euros no mercado). Segundo datos do Instituto para a Diversificación e Aforro de Enerxía (IDAE), aínda que actualmente só o 12% dos fogares españois conta con aparellos de aire acondicionado, nos últimos anos disparouse a compra destes equipos. A pesar de que o consumo derivado do seu uso representa só o 1% respecto ao total eléctrico anual doméstico, o auxe deste tipo de instalacións é tal que, en numerosas zonas de Andalucía, Cataluña e a Comunidade Valenciana, a punta de demanda eléctrica desprazouse ao verán, cos conseguintes "picos" de consumo enerxético que poden levar canda si en días de máximo uso.

Aire acondicionado

Multi Split

  Instalación e funcionamento. Unha unidade exterior alimenta, segundo as necesidades, desde 2 ata 5 unidades interiores. As unidades interiores poden ser de tipo mural, chan-teito, casete ou mixtas. O buraco necesario para unir a unidade exterior e a interior é moi pequeno. Un buraco de 10 cm x 10 cm é suficiente.

  • Indicado. Para climatizar vivendas de máis de 100 metros cadrados, casas unifamiliares.
  • Vantaxes. Permite regular a climatización das estancias de maneira independente.
  • Desvantaxes. A instalación debe facela un profesional.
  • Capacidade de refrixeración. Entre 1.700 e 5.000 frigorías/hora.
  • Prezo. Entre 500 e 1.800 euros (2 uds.). Entre 1.500 e 3.000 euros (3 uds.).

Split (partido).

  Consta dunha unidade interior e outra exterior. A interior está composta polo evaporador, o ventilador, o filtro de aire e o sistema de control, e a unidade exterior onde se atopa o compresor e o condensador. Están equipados con filtros purificadores de aire, desodorizantes, de prevención de humidade e demais sistemas de mellora da calidade do aire. Poden traballar en modo de humidificación cando a diferenza entre a temperatura do ambiente e a programada é reducida, máis económico, ou en modo refrixeración.

  • Capacidade de refrixeración. Entre 1.000 e 8.000 frigorías, os máis habituais para vivenda.
  • Prezo. Entre 200 e 3.000 euros.

Climatizador de ventá

Instalación e funcionamento. Unitario e compacto, instálase nun buraco -feito para o efecto- dunha ventá ou muro exterior, quedando medio equipo fóra e o outro medio dentro.

  • Indicado. Para vivendas onde non está permitida a colocación de unidades condensadoras en fachadas.
  •   Vantaxes. Asegura a ventilación do local, xa que insufla aire fresco ao interior e renova o aire viciado.
  • Desvantaxes. A instalación debe facela un profesional. Pouco estético. É dos máis ruidosos, aínda que algúns dos seus últimos modelos anuncian un baixo nivel sonoro.
  • Capacidade de refrixeración. Entre 1.500 e 5.000 frigorías/hora.
  • Prezo. Entre 300 e 1.000 euros.

Split portátil

Instalación e funcionamento. Ten dúas unidades, unha exterior, tipo maleta, e outra interior. Conéctanse a través de tubos incorporados aos equipos.

  • Indicado. Ideais para acondicionar vivendas pequenas, de alugueiro ou segunda residencia. Máximo 15-20 metros cadrados.
  •   Vantaxes. Non require a intervención dun profesional para instalalo. Pódese trasladar dun cuarto a outro e acondicionar segundo as necesidades. Non ocupa demasiado espazo.
  • Desvantaxes. A súa mobilidade depende do seu peso e da lonxitude do tubo. A ventá ten que permanecer aberta para deixar paso ao tubo flexible, o que fai que se perda parte dos beneficios da refrixeración.
  • Capacidade de refrixeración. Entre 1.000 e 2.600 frigorías/hora.
  • Prezo. Entre 300 e 1.000 euros.

Monobloc portátil

Instalación e funcionamento. É un aparello compacto que extrae a calor expulsando o aire quente cara ao exterior a través dun tubo flexible. Un sinxelo buraco nun cristal ou no cerco dunha ventá serven para colocar o tubo do conduto polo que se expulsa a calor.

  •   Indicado. Ideais para acondicionar vivendas pequenas, de aluguer ou segunda residencia. Máximo 15-20 metros cadrados.
  • Vantaxes. Non require a intervención dun profesional para instalalo. Pódese trasladar dun cuarto a outro. É máis cómodo e económico ca o split portátil.
  • Desvantaxes. É ruidoso porque o compresor está na única unidade interior. Arrefría menos ca un split portátil, porque a súa potencia é inferior.
  • Capacidade de refrixeración. Entre 1.500 e 3.000 frigorías/hora.

Outras opcións

  • Ventiladores

    Moito máis baratos ca un equipo de aire acondicionado, hainos desde 19 euros, permiten un maior aforro enerxético pero non arrefrían o aire: o que fan é movelo, provocando unha corrente refrescante. Deste xeito, conseguen que a sensación térmica baixe entre 4 e 8 graos. Son recomendables para estancias aireadas e sombrías. Gañan efectividade colocados debaixo dunha ventá, de maneira que aproveiten o aire proveniente da rúa.

  • Climatizadores

    Tamén chamados termoventiladores, poden utilizarse tanto para difundir calor coma frío. A maioría teñen reguladores de temperatura e incorporan sistemas antixeo e de protección contra o sobrequecemento.

    Son de reducido tamaña, polo que ocupan pouco espazo e poden transportarse sen problema. En contra teñen o seu elevado consumo e escasa potencia, e que son ruidosos. O seu prezo oscila entre 30 e 120 euros.

  • Arrefriadores de aire / Climatizadores evaporativos

    Usan un ventilador para facer pasar o aire quente ambiental a través dun filtro, constantemente mollado grazas a unha bomba de auga (incorporan un depósito de auga e xeo), acelerando con este proceso a evaporación da auga, e conseguindo unha redución do aure que impulsan entre 12 e 16º C con respecto á temperatura exterior. Son recomendables para climas secos e cálidos. Cando a temperatura exterior é moi alta, de 40 ou máis graos, son pouco eficientes. Manexables, portátiles e de baixo consumo, non precisan instalación e custan entre 100 e 500 euros.


Outros servizos


Buscar en

Información de Copyright e aviso legal

Visita nuestro canal Eroski Consumer TV

En EROSKI CONSUMER tomámosnos moi en serio a privacidad dos teus datos, aviso legal. © Fundación EROSKI

Fundación EROSKI

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto