Saltar o menú de navegación e ir ao contido

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Boletines
    •  | Baixa  | Máis opcións |
  • Portadas anteriores

EROSKI CONSUMER, el diario del consumidor

Buscador

logotipo de fundación

Canles de EROSKI CONSUMER


Estás na seguinte localización: Portada > Edición impresa > Editorial

Λ

Arantza Laskurain, Directora de FUNDACIÓN EROSKI: "O consumidor ten dereito a ser debidamente informado..."

"O consumidor ten dereito a ser debidamente informado sobre todos os produtos. Ten dereito a consumir produtos que non sexan nocivos para a súa saúde, a coñecer en todo momento o seu prezo e a que a publicidade o informe de forma clara e veraz sobre eles. Ten tamén dereito a esixir ás empresas que traballen por un futuro digno de ser vivido. Loitar por estes dereitos é o que quere EROSKI".

 

Esta foi a declaración de intencións da revista EROSKI no seu primeiro número, en 1974. Aquela publicación xurdiu nun contexto reivindicativo do papel do consumidor como suxeito de dereitos e obrigas. O baleiro informativo era evidente, e os consumidores tiñan poucas ferramentas para desempeñar o papel que lles correspondía na sociedade. Conscientes disto, comprometémonos a ofrecer un tipo de información que aumentase os coñecementos dos consumidores e propiciase que estes se soubesen axentes activos na economía de mercado.

Nestes máis de 30 anos, os consumidores fomos partícipes dun número enorme de cambios sociais, económicos, culturais, lexislativos e tecnolóxicos. Xurdiu un novo contexto, no que a información sobre consumo se multiplicou. E, sobre todo, chegou o momento en que os consumidores se saben respectados por uns interlocutores sociais que recoñecen o seu papel e o seu protagonismo, cada vez máis importante na nova economía.

¿Por que Grupo Eroski, a través da súa Fundación, segue apostando decididamente pola información ao consumidor como elemento clave do seu compromiso coa responsabilidade social e o desenvolvemento sostible?

Por varias razóns, entre as que saliento as que seguen a continuación:

  • Porque os consumidores forman parte do noso proxecto empresarial, participan nos seus órganos de xestión, achégannos as súas visións e as súas sensibilidades para que fagamos nosas as súas preocupacións e respondamos de forma colectiva ás súas demandas.
  • Porque temos o convencemento de que o reinvestimento dos beneficios en información ao alcance de todos os consumidores se traduce nun compromiso coas persoas e o seu benestar.
  • Porque entendemos que nesta sociedade cada vez máis complexa e na que as fontes de información, aínda que numerosas, seguen cualitativamente afastadas dos consumidores, podemos contribuír e achegar unha visión das cousas de a diario desde os dereitos do consumidor.
  • Porque queremos ser unha ferramenta de apoio e un altofalante independente para que o consumidor elixa de forma autónoma e responsable nos seus actos de consumo.
  • Porque cremos que moitas son as preguntas que os consumidores nos facemos e que non están respondidas suficientemente. A complexidade do coñecemento na nosa sociedade aumenta a confusión. É por isto que apostamos por cooperar con distintos axentes e xestores de coñecementos para que nos axuden a descifrar e comprender este mundo tan complexo e tan variable.
  • Porque gozamos co noso traballo e queremos facer partícipe á sociedade da nosa actividade.

E sobre todo, porque cremos que é a nosa mellor achega para que cada día poidamos ser todas as persoas un pouco máis felices.

Arantza Laskurain
Directora de FUNDACIÓN EROSKI


Relacións deste contido

Descargar esta información en PDF

PDF: Fai clic aquí para Descargar esta información en PDF (132 Kb)

Outros servizos


Buscar en

Información de Copyright e aviso legal

Visita nuestro canal Eroski Consumer TV

En EROSKI CONSUMER tomámosnos moi en serio a privacidad dos teus datos, aviso legal. © Fundación EROSKI

Fundación EROSKI

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto