O concesionario non asume o pagamento dos danos provocados por un vehículo defectuoso

 Un consumidor adquiriu nun concesionario oficial un vehículo que pouco despois sufriu un incendio. O comprador achacou o sinistro a defectos do vehículo. Reclamou ao vendedor o valor do coche e, ante a súa negativa a asumir responsabilidades, foi aos tribunais. A Audiencia Provincial de Granada, en sentenza de 10 de maio de 2005, deulle a razón. Considerou que o informe presentado polo concesionario non puido probar a responsabilidade do comprador coa suficiente rotundidade, mentres que a análise dun segundo perito indicou que a avaría se debeu a un contacto defectuoso por un fallo no sistema eléctrico do turismo. Esta segunda proba pericial achegou, segundo o xuíz, razóns máis fortes. Así, e cos artigos 25 e 28 da Lei do Consumidor e Usuario como referencia, para o tribunal quedou constatada a incapacidade da entidade demandada de demostrar a culpa exclusiva do consumidor. Por isto, condenou ao vendedor a indemnizar ao comprador no valor do vehículo e ao pagamento dos custos.

Relacións deste contido