• INVESTIGACIÓN

  • Visitados 425 lugares e establecementos públicos "libres de fume" en 18 cidades españolas
  • Atún en aceite vexetal en lata
  • CDs virxes gravables e regravables
  • Nenos: adaptar a casa para evitar accidentes

• ACTUALIDADE E LECER

  • Google Earth
  • Jolanta Bak, experta en técnica de mercado

• BENESTAR

  • Infusións
  • Litiase biliar
  • Coidar dunha persoa dependente
  • Autobuses ecolóxicos
  • Encimeiras de cociña
  • Protocolo

• O MÁIS PRÁCTICO

  • Coidados capilares
  • CONSULTORIO LEGAL
    • Os compradores dun piso deben asumir unha derrama previa á súa adquisición
    • A operadora de telefonía móbil non cumpre os termos da contraoferta ao cliente
  • SENTENZAS
    • Un consumidor négase a asumir o financiamento dun ordenador defectuoso
    • Unha empresa de mantemento de ascensores fixa cláusulas abusivas
    • O concesionario non asume o pagamento dos danos provocados por un vehículo defectuoso

 O cabelo é, para unha proporción considerable da poboación,.un ben prezado e, en ocasións, escaso. O estrés, unha alimentación desaxeitada, o alcol, o tabaco, o sol, o cloro das piscinas, así coma o exceso de tinguiduras, descolorantes, locións para permanente ou para o alisado químico ou unha hixiene capilar deficiente son factores que tenden a debilitar o pelo, que pode presentar síntomas de sequidade, de graxa, dificultade para desenredarse, caída excesiva, falta de brillo, puntas abertas... Para que a fibra capilar non perda a súa vitalidade cómpre tomar medidas.

Antes de todo, limpeza

• Manteña unha hixiene periódica (2-3 veces á semana) do pelo e coiro cabeludo.
• Evite a  acumulación de graxa no pelo, porque activa a proliferación microbiana e diminúe a osixenación capilar.
• Utilice produtos especialmente deseñados para o pelo.
• Para un correcto lavado do pelo, en primeiro lugar enxáugueo para eliminar a sucidade, graxa e po. De seguido aplique unha pequena cantidade de xampú. Aclare coidadosamente o pelo con auga morna ou fría deixándoo libre de calquera resto de xabón. Repita o proceso só se o pelo estivese moi sucio ou graxo.
• Favoreza a renovación capilar con locións ou bálsamos para despois do lavado que melloren a circulación no coiro cabeludo e aumenten a osixenación.
• Non refregue o pelo no secado.
• Evite o uso do secador. Se o utiliza, mantéñao a 15 centímetros e empregue o modo frío.

Cepillado

• Cepille o pelo para eliminar o po, os pelos e as células mortas. O cepillado ten, ademais, unha acción estimulante sobre o rego sanguíneo no nivel da raíz capilar.
• Use cepillos de sedas naturais, porcinas ou de xabaril, ou no seu defecto de nailon redondeado.
• Non realice peiteados ou cepillados excesivamente fortes nin frecuentes. O rozamento dana a cutícula, que é unha barreira de protección para o pelo.
• Evite gomas, clips, pinzas e outros adornos que exerzan unha presión excesiva sobre a raíz do pelo. Tampouco é conveniente levar cada día o pelo suxeito con trenzas ou recolledores que provocan un estricamento do mesmo.
• Non abuse de tinguiduras, permanentes, etc.
• Preserve o seu pelo das agresións externas. O sol, o frío extremo, a chuvia e a calor lesionan o pelo.
• Consulte o seu dermatólogo ante calquera observación de anomalías no pelo, caída importante difusa ou por zonas, caspa, seborrea.

Cabelo seco

• Pola súa fraxilidade, tolera bastante mal o cepillado, o uso do secador e de tinguiduras  e permanentes.
• Para o seu lavado utilice un xampú humectante, que lle devolve a humidade perdida ao pelo, ou con base de tensioactivos proteínicos, que lle confiren unha película reparadora ao pelo, un aumento da suavidade e unha eliminación da electricidade estática. Tamén pode aplicarse locións capilares ricas en vitamina B e en queratina.
• O cepillado debe ser suave, con cepillos de sedas naturais. Evitará a ruptura do pelo e a electricidade estáticas.

Cabelo graxo

• Láveo a miúdo, pero sen abusar para non saturar as glándulas e propiciar un aumento da secreción de graxa.
• Utilice xampús adstrinxentes e auga fría co obxecto de cerrar os poros do coiro cabeludo e diminuír a súa secreción.
• Se lava o seu cabelo a diario, alterne o xampú para pelo graxo cun xampú para pelo normal.
• O exceso de graxa pódese acentuar co uso de produtos suavizantes.
• Cepille o pelo suavemente para non estimular a actividade das glándulas sebáceas.

Relacións deste contido