O centro escolar non protexe unha alumna acosada polos seus compañeiros

 Unha nena de dez anos sufriu acoso e malos tratos de compañeiros do colexio público ao que asistía. Diante da pasividade do centro, os pais trasladárona de escola e comezaron accións penais contra os acosadores. Tras quedaren probados os malos tratos psicolóxicos, solicitaron sen éxito á Consejería de Educación de Castilla-La Mancha unha indemnización polo dano padecido. Os pais recorreron e o Xulgado do contencioso administrativo de Albacete, en sentenza de 19 de setembro de 2005, resolveu a favor dos demandantes e condenou a Administración a indemnizar con 2.000 euros os danos psicolóxicos padecidos, amais dos gastos médicos (1.295 euros). Considerou probado que a situación de ansiedade e o trastorno adaptativo que sufría a nena foi comunicado á dirección do centro e, aínda así, non adoptou ningunha medida. Por iso concluíu que a causa da actitude de carácter omisivo -e en ocasións permisivo- do centro producíronse os danos morais que sufriron tanto a menor coma os seus pais, e que esta actitude, nun servizo público tan relevante como é o da educación dunha nena en pleno proceso de formación emocional e de relación cos seus semellantes, xeraba unha responsabilidade patrimonial.

Relacións deste contido