O propietario debe indemnizar ó afectado pola caída de cristais dunha ventá

 Un viandante que camiñaba pola rúa sufriu un corte no ombreiro como consecuencia da caída á rúa dos cristais rotos dunha ventá. Quedáronlle cicatrices antiestéticas no ombreiro, polo que demandou á comunidade de propietarios e ó morador da vivenda. En primeira instancia, o xulgado condenou a ambos os dous demandados a indemnizar ó viandante. A comunidade de propietarios apelou e foi exculpada. A Audiencia Provincial de Burgos sinalou, en sentencia do 14 de febreiro do 2005, que a caída dos cristais se debeu a unha rotura que é só responsabilidade de quen habita e goza das ventás recibindo luces e vistas. Aplicando a Lei de propiedade horizontal, a responsabilidade do sinistro é, argumentou a Audiencia, susceptible de individualización e non imputable á comunidade. Por iso condenou o morador a indemnizar ó viandante con 802 euros e ó pagamento das custas.

Relacións deste contido