Saltar o menú de navegación e ir ao contido

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Boletines
    •  | Baixa  | Máis opcións |
  • Portadas anteriores

EROSKI CONSUMER, el diario del consumidor

Buscador

logotipo de fundación

Canles de EROSKI CONSUMER


Estás na seguinte localización: Portada > Edición impresa > O máis práctico > Consultorio legal

Λ

Se degoras que resolvamos tu caso en revista.consumer.es ponte en contacto con nosoutros. Como é lóxico, sólo serán publicadas as consultas que dende revista.consumer.es consideremos máis interesantes.

A negativa a asumir a responsabilidade nunha colisión múltiple

Nunha retención de tráfico o meu vehículo recibiu un golpe por detrás. Como consecuencia, o meu coche desprazouse e golpeou a outro vehículo e este a outro máis. A condutora que me bateu recoñece a súa culpa e os catro implicados tomamos datos de matrículas, pólizas e teléfonos. Non cubrimos o parte amigable nin chamamos á Policía. Logo de darlle parte á miña compañía, resulta que agora a condutora responsable nega a súa culpa e cambia a súa versión. Agora di que eu golpeei primeiro ós dous coches que me precedían. Que podo facer?

 Na responsabilidade extracontractual derivada de accidente de circulación enténdese que a causa de cada colisión en choques múltiples recae sobre o condutor do vehículo que dá o golpe por detrás. Isto significa que quen golpea debe probar non só que cumpriu coas previsións normativas, senón tamén que o condutor do vehículo precedente realizou unha manobra antirregulamentaria. Non obstante, nunha colisión múltiple resulta complicado determinar en que medida cada un dos implicados contribuíu, coa súa actuación, a causar os danos.

No caso presentado, presúmese que a responsabilidade dos danos padecidos recae sobre a condutora que agora nega a súa culpa. A ela correspóndelle probar, dunha banda, que observou a debida dilixencia e, doutra, a conduta antirregulamentaria do condutor do vehículo que a antecedía. Na situación presentada, pódense dar problemas de proba por non haber atestado policial, polo que cada un dos implicados na colisión múltiple e as testemuñas que puidera haber serán os que contribúan a probar, coas súas declaracións, o que sucedeu.

A entidade dos danos padecidos por cada vehículo tamén pode ser indicio do sucedido. De non se alcanzar un acordo entre as aseguradoras, queda a vía xudicial contra a condutora que golpeou por detrás. O afectado debería instar a súa compañía para presentar a demanda e, se non o atenden, pode acudir a un avogado da súa elección para posteriormente reclamarlle os honorarios á compañía. Antes debe informar á aseguradora destas intencións por burofax ou telegrama certificado. No caso de que os outros condutores o demandasen, pódelle solicitar á súa compañía que o defenda en xuízo.


Outros servizos


Buscar en

Información de Copyright e aviso legal

Visita nuestro canal Eroski Consumer TV

En EROSKI CONSUMER tomámosnos moi en serio a privacidad dos teus datos, aviso legal. © Fundación EROSKI

Fundación EROSKI

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto