Un neno faleceu ó caer a portería na que se colgara

Un menor de doce anos, mentres xogaba un partido de futbito agarrouse ó pau dunha portería e balanceouse. Como a portería non estaba ben amarrada, o neno caeu e por riba del a portería, que o matou. Os pais demandaron ó Concello, propietario do club deportivo, ó arrendatario das instalacións e á compañía de seguros e solicitaron unha indemnización de 90.000 euros. O primeiro pretendía desligarse da responsabilidade porque o mantemento das instalacións lle correspondía ó arrendatario. Agora ben, quedou probado que nunca deixou de utilizar as instalacións deportivas, pois existía unha específica coexplotación. Ademais, os demandados sinalaban que os regulamentos non impoñían suxeitar ó chan as porterías e que foi a conduta do menor a que provocou a caída da portería. Nunha sentencia do 26 de maio do 2004, o Tribunal Supremo recoñece que parte da culpa era imputable ó menor, polo que a indemnización debía ser reducida nun 10%. E para fixar a contía da indemnización, por dano moral, lembrou a dor dos pais e confirmou a indemnización de 90.000 euros menos o 10%.

Relacións deste contido