Saltar o menú de navegación e ir ao contido

EROSKI CONSUMER, el diario del consumidor

Buscador

logotipo de fundación

Canles de EROSKI CONSUMER


Estás na seguinte localización: Portada > Edición impresa > Actualidade e lecer > Tema de portada

^

Os datos, informacións, interpretacións e cualificacións que aparecen nesta información corresponden exclusivamente ao momento en que se realizaron e teñen, xa que logo, unha vixencia limitada.

Mercado de alugueiro: Unha opción moi pouco atraente

Mercado de alugueiro de vivenda: escaso, caro e arredado das necesidades dos cidadáns

Se se vende a vivenda alugada

Se o propietario da vivenda desexa vendela, está obrigado a ofrecerlla en primeiro lugar ó arrendatario, indicándolle o prezo e o resto de condicións. O inquilino disporá dun dereito de adquisición preferente ou de 'tenteo' e contará con 30 días para decidirse. Se o propietario non lle fai o ofrecemento da vivenda ó arrendatario, ou se vende a vivenda por un prezo inferior ó comunicado, ou incumpre calquera dos requisitos establecidos pola lei, o inquilino poderá impugnar a venda e adquirir a vivenda nas mesmas condicións nas que o propietario a vendeu e poderá exercitalo nun prazo de 30 días desde que se lle notifique a venda da vivenda.

Cando se pode dar por finalizado o contrato?
O propietario poderá resolver o contrato se o inquilino non paga a renda ou a fianza, se lle subarrenda ou lle cede a un terceiro a vivenda sen consentimento do propietario, se causa danos na vivenda intencionadamente, se realiza obras sen consentimento do propietario ou se realiza na vivenda actividades molestas, insalubres, nocivas, perigosas ou ilícitas. E o inquilino poderalle dar fin ó contrato se o propietario non realiza as reparacións necesarias para conservar a vivenda nas condicións de habitabilidade adecuadas ou se perturba o inquilino na utilización da vivenda.

A subrogación no contrato de arrendamento
A subrogación é a substitución dunha persoa por outra no contrato de arrendamento de xeito que o que se subroga adquire todos os dereitos e deberes que posuía o seu anterior titular. As subrogacións pódense dar tanto na persoa do propietario ou arrendador coma na do inquilino.

No propietario: prodúcese cando o arrendador lle vende a unha terceira persoa a vivenda alugada. O novo propietario está obrigado a respectar as condicións do contrato de arrendamento que permanecerá en vigor ata que se esgote a súa duración.

No inquilino: pódense dar diversas situacións, como o falecemento do inquilino ou a separación, divorcio ou nulidade matrimonial.

O falecemento do inquilino non comporta necesariamente a extinción do contrato de arrendamento, dado que poden subrogarse nese contrato o cónxuxe do arrendatario ou a parella de feito que no momento do falecemento convivise con el (esixíndose neste último caso un período de convivencia de polo menos 2 anos ou ter descendencia en común), os descendentes do arrendatario que no momento do seu falecemento estivesen suxeitos á súa patria potestade ou tutela ou que conviviran habitualmente con el durante os 2 anos anteriores, os ascendentes ou irmáns do arrendatario que conviviran habitualmente con el durante os 2 anos anteriores ó seu falecemento e, para rematar, as persoas que sufran unha minusvalía igual ou superior ó 65%, sempre que teñan unha relación de parentesco ata o terceiro grao colateral co arrendatario e que conviviran con este durante os 2 anos anteriores ó seu falecemento.

En caso de separación, divorcio ou nulidade matrimonial do arrendatario, o cónxuxe que non sexa titular do contrato poderá continuar no uso da vivenda arrendada se se lle atribúe por sentencia xudicial, sempre que llo comunique ó arrendador no prazo de 2 meses contados desde a data de notificación da sentencia.

A cesión do contrato de arrendamento e o subarrendamento
Por cesión do contrato enténdese a transmisión que realiza o arrendatario dos dereitos e deberes que comporta o seu contrato de arrendamento a unha terceira persoa. O subarrendamento é o arrendamento que realiza o inquilino dunha parte da vivenda da que goza e que á súa vez lle alugou ó propietario. O inquilino só pode subarrendar unha parte da vivenda e tan só polo tempo que dure o seu propio contrato de alugueiro, sen que o importe do subarrendamento poida superar o da renda que o inquilino estea aboando. En ambos os casos, tanto na cesión coma no subarrendamento, cómpre que o propietario preste o seu consentimento por escrito.

TÁBOA COMPARATIVA

Tablas

Prezo por metro cadrado de vivenda en alugueiro
Comunidade Autónoma Vivenda nova, euros/m2 Vivenda usada, euros/m2
País Vasco 9,1 8,3
Madrid 7,9 7,3
Baleares 7,4 6,7
Cataluña 7 6
Cantabria 6,7 5,5
Navarra 6,7 5,7
Canarias 6 5,5
Castela e León 5,3 4,4
A Rioxa 5,2 4,2
Asturias 4,9 3,9
Comunidade Valenciana 4,6 3,8
Andalucía 4,5 3,9
Aragón 4,2 3,5
Murcia 4 3,2
Galicia 3,9 3,4
Castela A Mancha 3,8 3,1
Estremadura 3,4 2,7
Media España 5,5 4,8

Fonte: Consello Económico e Social. Ano 2003.

Comparación entre o esforzo para a compra e o alugueiro dunha vivenda en España
Comunidade Autónoma Renda familiar anual media (euros) Esforzo medio por alugueiro * Esforzo medio por compra *
Andalucía 15.747 23,8% 39,6%
Aragón 16.408 21,5% 40,3%
Asturias 17.149 23,8% 37,2%
Baleares 16.112 39,7% 56,8%
Canarias 14.675 34,5% 47,1%
Castela A Mancha 14.488 20,7% 31,1%
Castela e León 15.749 27,7% 32,7%
Cataluña 18.677 33,7% 49,1%
Comunidade Valenciana 15.535 24% 38,8%
Estremadura 14.216 18,7% 23,1%
Galicia 14.929 21,5% 32,7%
A Rioxa 15.161 27,4% 39,6%
Madrid 21.641 36,4% 61,6%
Murcia 14.227 21,9% 41,4%
Navarra 18.993 31,8% 38,6%
País Vasco 19.940 43,5% 56,2%
Media España 17.487 27,7% 43,7%

Fonte: INE, Banco de España e Ministerio de Fomento. Ano 2003.

* Porcentaxe media da renda que unha familia debe destinar ó alugueiro ou á compra de vivenda.

Porcentaxe do estado da propiedade das vivendas dependendo da Comunidade Autónoma
Comunidade Autónoma Total de vivendas En propiedade En alugueiro Outras modalidades * Vivendas baleiras (% sobre o total de vivendas)
Baleares 305.431 74,3% 19,9% 5,8% 28%
Canarias 552.351 69,7% 16,8% 13,5% 25,1%
Cataluña 2.315.774 79,1% 16,6% 4,3% 19,6%
Madrid 1.873.671 82% 13,6% 4,4% 16,4%
Asturias 389.310 81,2% 12,5% 6,3% 18,7%
Galicia 900.376 77,5% 10,5% 12% 25,5%
Aragón 443.205 84,7% 10,1% 5,2% 19,3%
Andalucía 2.415.143 82,7% 9,2% 8,1% 22,7%
Murcia 378.211 85% 9,2% 5,8% 25,3%
Estremadura 366.893 81,9% 8,8% 9,3% 28,2%
Castela e León 889.197 84,9% 8,7% 6,4% 23,5%
A Rioxa 101.439 86,5% 8,4% 5,1% 22,6%
Cantabria 182.645 84,9% 8,3% 6,8% 20%
Comunidade Valenciana 1.492.744 86,6% 8,3% 5,1% 29,8%
Navarra 188.730 87,6% 7,7% 4,7% 18,6%
País Vasco 741.399 89% 7,3% 3,7% 12,7%
Castela A Mancha 610.227 86,5% 6,8% 6,7% 22,6%
España 14.184.026 82,20% 11,4% 6,4% 21,9%

* Outras modalidades: vivendas cedidas gratuitamente ou a baixo prezo, pagadas por empresas, etc.

Fonte: INE, Censo de Poboación e Vivenda. Ano 2001.

Porcentaxe do estado da propiedade das vivendas dependendo do país
País Vivenda en propiedade Vivenda en alugueiro Outras modalidades * Vivendas de alugueiro social (% sobre o total de vivendas)
España 82% 11% 7% 2%
Irlanda 78% 16% 6% 11%
Grecia 74% 20% 6% 0%
Portugal 75% 21% 4% 4%
Italia 68% 25% 7% 6%
Luxemburgo 67% 26% 7% 2%
Bélxica 68% 31% 1% 7%
Reino Unido 69% 31% 0% 21%
Finlandia 64% 32% 4% 14%
Francia 56% 38% 6% 17%
Suecia 46% 39% 15% 22%
Austria 57% 40% 3% 23%
Dinamarca 51% 45% 4% 19%
Holanda 54% 46% 0% 35%
Alemaña 45% 55% 0% 10%

* Outras modalidades: vivendas cedidas gratuitamente ou a baixo prezo, pagadas por empresas, etc.

Fonte: INE e Housing Statistics in the European Union. Anos 2001 e 2002.

Paginación


Outros servizos


Buscar en

Información de Copyright e aviso legal

Visita nuestro canal Eroski Consumer TV

En EROSKI CONSUMER tomámosnos moi en serio a privacidad dos teus datos, aviso legal. © Fundación EROSKI

Fundación EROSKI

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto