A promotora non incluíu a terceira cancha de tenis que ofertara para a urbanización

 Unha promotora inmobiliaria imprimiu uns folletos de publicidade onde se ofertaban vivendas nunha urbanización con tres pistas de tenis, que se incluían na memoria do proxecto de execución realizado polo arquitecto. Pero cando a promotora outorgou a escritura de declaración de obra nova non incluíu a terceira cancha de tenis, senón que a mantivo á parte e lla vendeu a unha terceira empresa. Os compradores demandaron a promotora e a empresa adquirinte da cancha, e reclamaron esta como elemento común da urbanización. As empresas demandadas alegaban que na escritura pública se expresaba que os compradores renunciaban á cancha. O Supremo, en sentencia do 23 de maio de 2003, consideraba que non se podía aceptar que os consumidores tivesen coñecemento da renuncia que efectuaban, pois a escritura non fora obxecto de inscrición, polo que faltaba o requisito da publicidade, nin se informara ós adquirintes. Ademais, a renuncia de dereitos debe ser expresa, e non se pode dar valor á escritura pública que pretendían as demandadas. Por iso, a cancha de tenis forma parte da compravenda e é elemento común da comunidade de propietarios.

Relacións deste contido