Queríanlle cobrar un prezo adicional polo IVE que xa estaba incluído no orzamento

 Un albanel presentoulle verbalmente un orzamento a un consumidor para executar unha obra en varias vivendas da súa propiedade. Rematada a obra o albanel solicitou o pagamento da cantidade orzamentada máis o IVE. O consumidor negouse a pagar unha cantidade suplementaria en concepto de IVE, considerando que o imposto xa estaba incluído no orzamento verbal inicial. O albanel demandou ó consumidor reclamando o IVE, que ascendía a 297 euros, pero a Audiencia de Teruel, en sentencia do 7 de outubro do 2003, desestimou a súa demanda e absolveu o consumidor de pagalo. No xuízo quedou acreditado que se pactou verbalmente un prezo de 18 euros por hora de traballo, sen especificar se estaba ou non incluído o IVE. Para a Audiencia, a reclamación do IVE suplementario supuña unha flagrante infracción do dereito de información por parte do profesional. E iso porque, segundo a Lei de defensa do consumidor, este ten dereito a ser informado do prezo completo do servizo, debéndose entender, en caso de dúbida, que o IVE está incluído no prezo pactado.

Relacións deste contido