Non lle aboaron a indemnización prevista por conducir baixo os efectos do alcohol

Un consumidor adquiriu un vehículo contratando unha garantía total para o suposto de danos. Sufriu un accidente de tráfico por, segundo consideraba o usuario, un fallo no vehículo. En concreto, saíuse da vía nun treito recto e de fácil condución, e fallou tamén o sistema de airbag. Polos danos sufridos e alegando avarías e fallos no sistema de freos traseiros, demandou ó concesionario e ó fabricante, pero o xulgado de primeira instancia desestimou a súa demanda porque, malia a existir indicios de fallos mecánicos previos ó accidente e no airbag, consideraba que o consumidor conducía baixo os efectos do alcohol no momento do accidente. Levado o asunto á Audiencia Provincial, di a sentencia (do 13 de marzo do 2003) que das probas periciais se desprendía que o accidente ocorreu nun treito recto con total visibilidade e pavimento en perfecto estado, o que facía difícil que o condutor tivese que accionar o sistema de freos. Os peritos sinalaron que as posibilidades de que os fallos no sistema de freada provocasen o accidente eran ínfimas. Considera a Audiencia que, ó non probar o consumidor o defecto do vehículo, desestima a reclamación do consumidor e condénao ó pagamento das custas.

Relacións deste contido