Saltar o menú de navegación e ir ao contido

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Boletines
    •  | Baixa  | Máis opcións |
  • Portadas anteriores

EROSKI CONSUMER, el diario del consumidor

Buscador

logotipo de fundación

Canles de EROSKI CONSUMER


Estás na seguinte localización: Portada > Edición impresa > O máis práctico > Consellos

Λ

Elixir calzado para camiñar: Andar con bo pé

  Aínda que calquera calzado cómodo serve para andar por un camiño en bo estado durante un par de horas, se pretendemos facelo durante todo o día, considerando que na nosa ruta atoparemos toda clase de terreos, cumprirá elixirmos un calzado máis apropiado, xa que da correcta elección do tipo de zapato vai depender a saúde dos nosos pés.

  • Á hora de se decidir por un ou por outro calzado, teña en conta a superficie ou terreo sobre o que vai camiñar habitualmente. Superficies duras, brandas, deslizantes, asfalto, cemento, terra, area.
  • Se realiza pequenas incursións na montaña e só desexa aproximarse á natureza, andar por corredoiras, vereas e camiños, deberá elixir unha bota de excursionismo ou hiking.
  • Se o seu obxectivo é unha suave camiñada de fin de semana e á vez poder chegar a calquera lugar cómodo e seguro, as súas botas serán as de trekking.

De compras, mellor ó final do día

  • Realice a elección do tamaño ó serán, cando o pé está dilatado trala actividade da xornada, ou ben despois dunha camiñada de 20 minutos. Deste xeito, os seus pés estarán nas mesmas condicións que despois de realizar unha marcha curta.
  • Probe as botas ou tenis co tipo de calcetín que utiliza normalmente para camiñar. Teña en conta que un bo calcetín é primordial para acadar o máximo rendemento do calzado. Elíxaos sen costura, evitará abrasións e rozaduras na actividade física.
  • Se é posible, probe o calzado subindo e baixando por unha rampla, xa que o seu comportamento en terreo chan é moi distinto do que vai atopar nas súas saídas, onde os desniveis serán habituais. Deste xeito, o pé desprazarase de xeito natural e poderá detectar a folgura e as posibles futuras molestias.

Comodidade ante todo

  • Probe o número que calza habitualmente e un máis para comparar a comodidade e o axuste entre un e outro. Se non ten a seguridade de que o calzado que ten diante é da talla adecuada, probe outras botas das mesmas características pero doutros fabricantes.
  • Comprobe que o talón estea ben calzado, que o dedo gordo non se monta nos demais e que estes se poden mover (máis ou menos un centímetro entre o dedo gordo e a punteira), o ideal é un cuarto de talla máis da que usa normalmente. Probe as dúas botas e elixa tomando como referencia o pé máis longo.

Radiografía da bota

  •  Elixa unha bota ou un tenis de empeña suave e lixeiramente elástica na parte dianteira, para que os dedos se abran naturalmente. A parte traseira debe ser máis ríxida, lixeiramente máis alta no talón, para aumentar o ángulo que se forma entre o pé e a perna no momento en que comeza o empuxe e así soster o nocello.
  • Préstelle atención á sola. Para terreos naturais elixa solas con sucos profundos que permitan que a materia que pise poida evacuarse correctamente; en asfalto, madeira ou materiais sintéticos, os sucos poden ser menos profundos, e en campos de herba ou similar, os tacos (de goma ou aluminio) son o máis recomendable.
  • O talón do pé axustarase á base do calzado, ofrecendo unha fixación total contra o canteo do nocello.
  • A punta debe permitir que o movemento producido ó andar non dificulte a rega sanguínea e comodidade dos dedos.
  • As costuras non deben causar rozaduras nos pés e deben estar confeccionadas con material flexible para que, ó andar, se apoie todo o pé, desde o talón ata os dedos. Na parte de atrás ten que haber unha fendedura para evitar danos no tendón de Aquiles.
  • Decídase por un material que transpire, como o coiro ou a malla de nailon.
  • Ate ben as botas. O abrochamento debe quedar situado sobre a empeña, para evitar que o aumento do volume do pé co exercicio lesione os tendóns superficiais da zona, amais de ser firme, pero sen impedir a correcta circulación sanguínea.

Outros servizos


Buscar en

Información de Copyright e aviso legal

Visita nuestro canal Eroski Consumer TV

En EROSKI CONSUMER tomámosnos moi en serio a privacidad dos teus datos, aviso legal. © Fundación EROSKI

Fundación EROSKI

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto