Saltar o menú de navegación e ir ao contido

  • Bienvenido (ES) | Ongi etorri (euskarazko bertsioa) | Benvingut (versió en català) | Benvido (versión en galego)
  • Bienvenido (ES)
  • Boletines
    •  | Baixa  | Máis opcións |
  • Portadas anteriores

EROSKI CONSUMER, el diario del consumidor

Buscador

logotipo de fundación

Canles de EROSKI CONSUMER


Estás na seguinte localización: Portada > Edición impresa > Actualidade e lecer > Tema de portada

Λ

Os datos, informacións, interpretacións e cualificacións que aparecen nesta información corresponden exclusivamente ao momento en que se realizaron e teñen, xa que logo, unha vixencia limitada.

Establecementos de bronceado artificial: Solarios: incumpren a lei que os regula

Só o 8% dos centros visitados en todo o país aproban o exame, baseado na normativa vixente

O que convén saber e táboa comparativa

Antes da sesión de bronceado

  • Cando acudimos por primeira vez a un solario cómpre coñecermos o noso fototipo de pel e se admite a exposición continuada ós raios UVA: convén que nos informemos sobre os riscos ós que nos expomos e que recibamos, por parte do persoal do establecemento, instrucións precisas para o bo desenvolvemento da sesión de bronceado.
  • No establecemento de raios UVA a información seranos subministrada a través dun folleto, de carteis na sala de espera e mediante o asesoramento do persoal do establecemento, que debe ter a formación axeitada.
  • Antes de sometérmonos a unha sesión de bronceado, fagamos unha limpeza profunda da pel para eliminar calquera produto cosmético, especialmente perfumes e maquillaxes. E quitemos os lentes, as xoias e calquera obxecto metálico.
  • Non empreguemos cremas de protección solar nin aceleradores de bronceado: poden conter substancias fotosensibilizantes.
  • Non nos expoñamos ós raios UVA se estamos tomando medicamentos e/ou substancias que aumenten a sensibilidade da pel ós raios UV, xa que poden producir reaccións de hipersensibilidade non desexables.
  • As mulleres embarazadas débense abster de tomar raios UVA.
  • Nunca nos expoñamos a doses maiores das recomendadas segundo o noso tipo de pel, nin cunha frecuencia inferior a 48 horas entre cada sesión.
  • Non nos expoñamos ós raios de sol nin do solario o mesmo día. Deberán transcorrer cando menos 48 horas entre as 2 primeiras sesións.
  • Non nos expoñamos ó sol, ata pasadas polo menos 24 horas, despois dunha depilación ou exfoliación da capa córnea.
  • Apliquemos crema hidratante despois de cada sesión en todas as zonas expostas á exposición.
  • Evitemos a exposición ós raios UVA das nosas zonas xenitais.
  • Utilicemos sempre gafas ou adhesivos de protección homologados para este tipo de uso, para evitar cataratas, conxuntivite e inflamación da córnea. A pálpebra non protexe completamente contra a radiación. Se usamos lentes de contacto, debemos quitalos antes de cada sesión.
  • Protexamos ou cubramos os cabelos tinguidos ou descolorados.
  • Está prohibida a utilización de solarios por menores de 18 anos.

Durante a sesión de bronceado

  • Non debemos quitar, baixo ningún concepto, as gafas de protección solar.
  • Se a nosa pel, debido á vasodilatación, se pon vermella durante o bronceado, probablemente se trate dun eritema térmico. Neste caso, cómpre deixar arrefriar o corpo, reducir os tempos de radiación e evitar suar.

Tralo bronceado

  • Hidratemos a pel abundantemente.
  • Se a pel está vermella ou tirante, retardemos a vindeira exposición un mínimo de 48 horas.
  • Evitemos tomar o sol ese día.
  • Se se desenvolven sobre a nosa pel bochas, feridas ou se esta se torna vermella, consultemos o médico dermatólogo.

TÁBOA COMPARATIVA

Unha norma (recente) que non se respecta
Normativa :Real Decreto 1002/2002 de 27 de setembro: Grao de incumprimento
Prohibición de utilización das máquinas de bronceado por menores de 18 anos. O 58% dos establecementos visitados non o advirte mediante cartel informativo.
Documento presentado para a conformidade e sinatura do usuario no que constan os riscos e precaucións necesarias antes de tomar a sesión de bronceado. O 76% dos establecementos visitados non entrega o documento.
Cartel exposto cos fototipos de pel existentes e a duración da sesión recomendada para cada tipo. O 47% non informa mediante cartel.
Cartel exposto cos riscos dos raios ultravioletas. O 35% non informa mediante cartel.
Cartel exposto coas precaucións necesarias anteriores á sesión. O 17% non informa mediante cartel.
Prohibición dos carteis publicitarios nos que se faga referencia a efectos curativos, preventivos ou beneficiosos para a saúde. No 18% non hai cartel exposto.
Obrigatoriedade de subministrar gafas ou adhesivos de protección ocular durante a sesión de bronceado. O 16% permite entrar na cabina sen ningunha protección para os ollos.
Exposición pública dos documentos acreditativos de revisión e mantemento dos aparellos de bronceado. O 72% non expón estes documentos.
Instruccións de uso visibles claramente na cabina de bronceado. No 59% dos centros non están expostas.
O persoal debe ter a titulación adecuada ou recibir un curso específico sobre manexo de aparellos bronceadores. O 58% dos empregados destes establecementos afirma que non cómpre ter titulación ou curso específico ningún.
Conveniencia de non se expor ó sol e ó aparello de bronceado o mesmo día. O 42% dos centros non o advirte.
Respectar 48 horas entre as dúas primeiras sesións. O 16% permite tomar dúas sesións seguidas.
Correcto estado de desinfección e asepsia dos aparellos de bronceado. O 12% atopábase en mal estado de limpeza.
O persoal deberá facilitarlle todas as informacións ó usuario, co seu asesoramento directo. O 50% dos empregados ofrece explicacións incorrectas sobre a duración da sesión.
O 82% non examina correctamente a pel e non asesora sobre o tipo de sesión que lle convén ó tipo de pel do usuario.
O 56% non ofrece un asesoramento correcto sobre riscos e precaucións antes da sesión.
Información exposta Asesoramento Titulación do persoal Cabinas de bronceado Nota final
Barcelona Regular Moi mal Moi mal Ben Regular
Málaga Moi mal Moi mal Moi mal Mal Moi mal
Alacante Moi mal Mal Moi mal Moi mal Moi mal
Pamplona Moi mal Moi mal Moi mal Moi mal Moi mal
Madrid Moi mal Moi mal Moi mal Mal Moi mal
Murcia Moi mal Moi mal Moi mal Moi mal Moi mal
A Coruña Moi mal Moi mal Moi mal Aceptable Moi mal
Valencia Moi mal Moi mal Moi mal Moi mal Moi mal
Vitoria Moi mal Moi mal Mal Mal Moi mal
San Sebastián Moi mal Moi mal Moi mal Mal Moi mal
Bilbao Moi mal Moi mal Moi mal Regular Moi mal
Cádiz Moi mal Moi mal Moi mal Moi mal Moi mal
Logroño Moi mal Moi mal Moi mal Mal Moi mal
MEDIA Moi mal Moi mal Moi mal Mal Moi mal

Paginación


Outros servizos


Buscar en

Información de Copyright e aviso legal

Visita nuestro canal Eroski Consumer TV

En EROSKI CONSUMER tomámosnos moi en serio a privacidad dos teus datos, aviso legal. © Fundación EROSKI

Fundación EROSKI

Validaciones de esta página

  • : Conformidad con el Nivel Triple-A, de las Directrices de Accesibilidad para el Contenido Web 1.0 del W3C-WAI
  • XHTML: Validación del W3C indicando que este documento es XHTML 1.1 correcto
  • CSS: Validación del W3C indicando que este documento usa CSS de forma correcta
  • RSS: Validación de feedvalidator.org indicando que nuestros titulares RSS tienen un formato correcto