Alumnos dunha academia en creba non pagaron os créditos que tiñan con entidades financeiras

Múltiples alumnos matriculados na Academia de Idiomas Access Language víronse afectados pola creba da empresa, atopándose na difícil situación de asumir a carga dos créditos ó consumo concertados para o pagamento dos servizos de ensinanza. O Ministerio Fiscal exercitou accións contra a empresa por un delito continuado de estafa. Relata o Xulgado de Barcelona, en sentencia do 28 de abril de 2003 que, malia a entrar en creba técnica, con importantes débedas e imposibilidade de facer fronte ó pagamento de alugueiros, persoal, etc., o responsable da academia continuou publicitando os seus servizos de xeito espectacular para seguir captando alumnos. Obtivo así importantes ingresos, para pouco despois declarase en creba e rematar pechando. Di o xulgado que se aplica a Lei de crédito ó consumo, segundo a cal a ineficacia do contrato de consumo determina a ineficacia do contrato de financiamento. Por iso suspende os efectos dos contratos de ensinanza e dos contratos de préstamo vinculados, establecendo a prohibición de que as entidades financeiras inclúan os alumnos en listas de morosos.

Relacións deste contido