A vivenda tiña menos metros dos pactados

 En 1999 un consumidor asinou un contrato privado de compravenda dunha vivenda en construción, entregándolle como primeiro pagamento 12.000 euros á promotora. Segundo o contrato, a vivenda disporía de 105 metros cadrados útiles, mais non se lle fixo entrega ó consumidor de planos nin dunha memoria de calidades. Antes de asinar as escrituras, o comprador visitou a vivenda e comprobou que só dispuña de 73,76 metros cadrados útiles e 105 construídos. Ante a falta de acordo coa promotora, o comprador demandouna e solicitou a nulidade ou a resolución do contrato, coa devolución do pagamento xa realizado. A promotora alegaba, entre outras cousas, que o sucedido era un simple erro gramatical na redacción do contrato; onde dicía metros útiles debería dicir construídos. A Audiencia Provincial de Alacante, en sentencia do 27 de maio de 2003, pronunciouse a favor da resolución do contrato con devolución do entregado a conta. Di a Audiencia que a confusión entre metros útiles e construídos é unicamente imputable á promotora e que a entrega dun piso cunha superficie menor en 32 metros frustra o obxecto do negocio.

Relacións deste contido