Quedou embarazada logo dunha ligadura de trompas

 A unha muller practicóuselle unha ligadura de trompas logo de ser asistida de parto na súa terceira cesárea. Non obstante, volveu quedar embarazada e tiveron que practicarlle unha cuarta cesárea para dar á luz dúas nenas. Demandou ós médicos por unha información deficiente sobre os riscos, seguridade e consecuencias da operación de ligadura de trompas, solicitando unha indemnización de 60.101 euros e o aboamento dunha pensión.

O Tribunal Supremo, en sentencia do 29 de maio do 2003, recoñece o dereito á indemnización, non á pensión, considerando que o consentimento da paciente non estaba baseado nunha boa información. Para iso cumpriría, segundo o Tribunal, que a advertencia médica fora puntual, veraz, correcta, leal, continuada, precisa e exhaustiva, e que se referira como mínimo ás características da intervención, ós seus riscos, vantaxes e inconvenientes e ó prognóstico sobre as probabilidades do resultado sen que a información se reducise a un simple formulismo.

A proba de que esta comunicación fora proporcionada correspóndelles ós médicos, que non puideron demostrar nada sobre a información proporcionada. Esta información, aínda que verbal, debe quedar incorporada á historia clínica.

Relacións deste contido