• INVESTIGACIÓN

  • Seguridade nos centros escolares: analizados 208 en todo o país
  • Leite de continuación
  • Deterxentes para lavadora líquidos e en po
  • Ascensores e comunidades de veciños

• ACTUALIDADE E LECER

  • Seguridade
  • Jaume Vallcorba, editor de El Acantilado

• BENESTAR

  • Tipos de graxa
  • Estrinximento
  • Os nenos e o cole
  • A gota fría
  • ¿Doazón ou herdanza?
  • Método Pilates

• O MÁIS PRÁCTICO

  • Limpeza e mantemento do entubado doméstico
  • CONSULTORIO LEGAL
    • A veciña colga as sabas e chegan ata o balcón de abaixo
    • Mordeuno un can
  • SENTENZAS
    • Atrasouse o voo e perdéronse as maletas
    • A mala actuación médica produciulle unha coxeira irreversible
    • Considerouse o infarto de miocardio como accidente de traballo
    • O avogado presentou o recurso fóra de prazo

Hai pouco mordeume un can que estaba atado a un enreixado, agardando polo seu dono, na porta dun supermercado. En ningún momento fixen aceno de tocalo e o can, sen máis, saltou cara a min e mordeume a man. Fíxome un corte importante no cotelo, polo que fun ó ambulatorio. Alí déronme uns puntos e vendáronme a man. ¿Podo denuncia-lo dono? ¿Onde debo facelo? ¿Dá lugar a unha indemnización ou non paga a pena?

 O artigo 1.905 do Código Civil sinala que o posuidor dun animal é responsable dos prexuízos que cause, aínda que se lle escape ou extravíe. Esta responsabilidade só cesa cando o dano se deba a forza maior ou sexa culpa da víctima. E o dono do animal segue sendo responsable aínda que lle encomende o coidado do can a un terceiro. Se o dano xorde estando o can baixo a custodia dun terceiro, o dono e o terceiro son responsables con carácter solidario. E se, pola raza ou características do can, este é dos considerados como potencialmente perigosos, o dono podería ser sancionado cunha multa. A Lei 50/1999, sobre Réxime Xurídico da tenencia de animais potencialmente perigosos, sinala que para a presencia e circulación en espacios públicos dos cans potencialmente perigosos, é obrigatorio utilizar correa ou cadea de menos de dous metros de lonxitude, así como un bozo homologado e axeitado para a súa raza. Suxerimos que lle envíe un buro-fax certificado con xustificante de recibimento ó dono do can, propóndolle unha indemnización polas perdas e danos sufridos e instándoo a alcanzar un acordo. É probable que o dono do can teña cuberta a responsabilidade civil para este tipo de sinistros cunha compañía de seguros, mesmo a través do seguro do fogar. Se as negociacións non dan resultado, pódese considerar acudir a un xuízo civil ou penal. De xeito orientativo, solicitarase unha indemnización polos días de curación e, de se-lo caso, por días impedido para as angueiras cotiás, e outra polas secuelas que poidan quedar, como cicatriz ou deficiencias de mobilidade.

Relacións deste contido