• INVESTIGACIÓN

  • Seguridade nos centros escolares: analizados 208 en todo o país
  • Leite de continuación
  • Deterxentes para lavadora líquidos e en po
  • Ascensores e comunidades de veciños

• ACTUALIDADE E LECER

  • Seguridade
  • Jaume Vallcorba, editor de El Acantilado

• BENESTAR

  • Tipos de graxa
  • Estrinximento
  • Os nenos e o cole
  • A gota fría
  • ¿Doazón ou herdanza?
  • Método Pilates

• O MÁIS PRÁCTICO

  • Limpeza e mantemento do entubado doméstico
  • CONSULTORIO LEGAL
    • A veciña colga as sabas e chegan ata o balcón de abaixo
    • Mordeuno un can
  • SENTENZAS
    • Atrasouse o voo e perdéronse as maletas
    • A mala actuación médica produciulle unha coxeira irreversible
    • Considerouse o infarto de miocardio como accidente de traballo
    • O avogado presentou o recurso fóra de prazo

A veciña de arriba (eu vivo no primeiro) dedícase a colga-las sabas en toda a súa extensión, de xeito que chegan ata o meu tendal. Amais de non me permitir colga-la miña roupa, as súas sabas réstanme visión. Pedinlle en varias ocasións que procure tende-la roupa ata a altura que lle corresponde, pero non me fai caso. E mesmo me ameaza con privarme dun rocho que construímos hai xa vinte anos, pois afirma que o patio no que levamos a cabo a obra pertence a toda a comunidade. ¿Pódenme quita-lo patio? ¿Que podo facer para que a súa roupa non me amole?

  O patio é un elemento común, se ben se deduce dos termos da consulta que é de uso exclusivo e con acceso desde a vivenda do lector. Para realizar nel unha obra que modifique a estructura ou configuración, como pode se-la construcción dun rocho, cómpre o consentimento unánime da Xunta de Propietarios, consentimento que se entende que nin se solicitou nin se obtivo no seu momento, antes de comeza-la obra. Trátase dunha construcción realizada sen autorización expresa, aparentemente permitida de feito, xa que está á vista de todos e transcorreron vinte anos sen que a comunidade dirixa unha demanda xudicial, o cal non pode considerarse como un acordo tácito, aínda que si a miúdo é tido en conta polos tribunais en caso de que a comunidade ou a veciña denuncie a obra nos xulgados, o que poden facer perfectamente.

No tocante á segunda cuestión, ó dispor do uso exclusivo do patio, os demais propietarios das vivendas das plantas superiores que teñen ventás a ese patio terían un dereito de luces e vistas. Pero a actitude da veciña parece ir máis alá do tolerable, polo que cumprirá solicitarlle ó presidente que se inclúa esta cuestión na orde do día da próxima Xunta, co fin de requirirlle á veciña que cese a súa actitude. Non se discute o dereito a tende-la roupa, pero pode e debe facerse de xeito que non obstaculice as ventás e balcóns dos veciños, dobrando a roupa e sen substancias nin obxectos intencionadamente.

Relacións deste contido